ខ្យល់គ្មានមេត្តា ប្រហារផ្ទះមេម៉ាយកូន៥ កន្ត្រាក់បំប៉ើងគួចរលំខ្ទេចដំបូលផ្ទះដល់ដី

ខេត្តពោធិ៍សាត់៖ ខ្យល់បោកបក់កន្ត្រាក់បំផ្លាញដំបូលផ្ទះស្ត្រីមេម៉ាយកូន៥នាក់ដ៏កំសត់ ធ្វើឲ្យឱ្យមានការខូចខាតអស់ទាំងស្រុង ដែលករណីគ្រោះធម្មជាតិនេះ បានកើតឡើងកាលពីរសៀលថ្ងៃទី១១ ខែមីនា ឆ្នាំ២០២០ នៅចំណុចភូមិវាល ឃុំសំរោង ស្រុកភ្នំក្រវាញ។
សមត្ថកិច្ចបានឱ្យដឹងថា នៅមុនពេលកើតហេតុ នៅក្នុងភូមិសាស្ត្រខាងលើគេឃើញមេឃចាប់ផ្តើមងងឹតខ្មៅរកកល់ចង់ភ្លៀង លុះបន្តិចក្រោយមកក៏មានភ្លៀងរលឹមស្រិចៗលាយឡំទៅដោយផ្គរ និងខ្យល់កន្ត្រាក់បានបោកបក់បណ្តាលឱ្យបក់កួចយកដំបូលផ្ទះរបស់ស្ត្រីរងគ្រោះខាងលើ ធ្វើឱ្យទទួលរងនូវការខូចខាតអស់ទាំង​ស្រុងតែម្តង ទោះបីជាយ៉ាងណា ក៏មិនបណ្តាលឲ្យមនុស្ស សត្វ របួសឬគ្រោះថ្នាក់ដល់អាយុជីវិតឡើយ ។

ផ្ទះដែលរងការខូចខាតនេះ មានទំហំប្រមាណ ៥ម៉ែត្រគុណនឹង ៦ម៉ែត្រ សង់ពីឈើ ដំបូលប្រក់ស័ង្កសី ជញ្ជាំងបាំងក្តារ រនាបក្រាលក្តារ ម្ចាស់ផ្ទះមានឈ្មោះ លន់ យ៉ង់ អាយុ៥៥ឆ្នាំ ជាស្ត្រីមេម៉ាយ មានកូន៥នាក់នៅក្នុងបន្ទុក រស់នៅភូមិឃុំកើតហេតុខាងលើ៕