សិស្សានុសិស្ស រៀនតាមប្រព័ន្ធអេឡិកត្រូនិក(E-Learning) ដោយចូលទៅជ្រើសរើសវគ្គសិក្សាឬមេរៀនដែលត្រូវសិក្សាដោយឥតគិតថ្លៃនិងមិនចាំបាច់ចុះឈ្មោះចូលជាភ្ញៀវ

ចេញផ្សាយ ថ្ងៃទី 16 ខែ មីនា ឆ្នាំ 2020

ភ្នំពេញ ៖ ក្រសួងអប់រំ យុវជន និងកីឡា បានប្រកាសបង្កើតការរៀនតាមប្រព័ន្ធអេឡិចត្រូនិក (E-Learning) ដើម្បីជាការជួយដល់ការសិក្សារបស់សិស្សានុសិស្សថ្នាក់ទី៩ និងទី១២ ដែលបានផ្អាកការសិក្សាជាបណ្ដោះអាសន្ននៅគ្រឹះស្ថានសិក្សាសាធារណៈ និងឯកជនក្នុងក្រុងសៀមរាប ក្នុងការចូលរួមទប់ស្កាត់ការរីកដាលនៃជំងឺ COVID-19 ក្រសួងបានបញ្ចូលមុខវិជ្ជាចំនួន៦មុខ មានដូចជា៖ គណិតវិទ្យា ប្រវត្តិវិទ្យា រូបវិទ្យា គីមីវិទ្យា ជីវវិទ្យា និងភាសាខ្មែរ។ ក្រសួងនឹងដាក់ឲ្យដំណើរការកម្មវិធីបង្រៀនតាមប្រព័ន្ធអេឡិចត្រូនិកនេះ ចាប់ពីថ្ងៃទី១៣ ខែមីនា ឆ្នាំ២០២០ តទៅ៖

ការរៀនតាមប្រព័ន្ធអេឡិចត្រូនិច e-learning សម្រាប់ជំនួយដល់សិស្សានុសិស្ស ដើម្បីជាជំនួយដល់ការសិក្សារបស់សិស្សានុសិស្សថ្នាក់ទី៩ និងទី១១ ដែលបានផ្អាកការសិក្សាជាបណ្ដោះអាសន្ននៅតាមគ្រឹះស្ថានវិទ្យាស្ថានសាធារណៈនិងឯកជន ក្នុងក្រុងសៀមរាប ខេត្តសៀមរាប និងរាជធានីភ្នំពេញ ។ក្នុងឱកាសនៃការទប់ស្កាត់ចំពោះការររីករាលដាលជាមួយនឹងជម្ងឺកូវិដ 19 ក៏ដូចជាសម្រាប់សិស្សានុសិស្សដទៃទៀតដែលមានបំណងទទួលការអប់រំបន្ថែម ក្រសួងអប់រំយុវជននិងកីឡា បានបង្កើតកម្មវិធីសិក្សា រៀនតាមប្រព័ន្ធអេឡិចត្រូនិច e-learning ដោយឥតគិតថ្លៃលើមុខវិជ្ជាឯកទេសមួយចំនួនចំនួន៦ ដែលអាចឲ្យប្អូនសិស្សានុសិស្សទាំងអស់ដែលអាចសិក្សាដោយខ្លួនឯងបាន នៅលើបណ្ដាញទំនាក់ទំនងសង្គមផ្លូវការ និងប្រព័ន្ធសិក្សាតាមអេឡិចត្រូនិករបស់ក្រសួង កម្មវិធីនេះបង្កើតឡើងក្នុងគោលបំណងជំនួយដល់ការសិក្សារបស់ប្អូនៗសិស្សានុសិស្ស អាចនៅតែបន្តការសិក្សាបានដោយខ្លួនឯងនៅគ្រប់ទីកន្លែង និងស្របតាមពេលវេលាផ្ទាល់ខ្លួនរបស់សិស្សសានុសិស្ស សម្រាប់ជាជំនួយស្មារតីក្នុងការត្រៀមប្រឡងសញ្ញាបត្រមធ្យមសិក្សាបឋមភូមិ និងទុតិយភូមិ តាមកាលបរិច្ឆេទដែលបានគ្រោងទុកមុខវិជ្ជាឯកទេសបង្រៀនទាំង ៦ រួមមាន ៖ គណិតវិទ្យា ប្រវត្តិវិទ្យា រូបវិទ្យា គីមីវិទ្យា ជីវវិទ្យា និងភាសាខ្មែរ ដែលដាក់ឱ្យដំណើរការកម្មវិធីបង្រៀនតាមអេឡិចត្រូនិចនេះចាប់ពីថ្ងៃទី១៣ ខែមីនា ឆ្នាំ២០២០តទៅ ដោយសិស្សានុសិស្សអាចតាមដានតាមរយៈមធ្យោបាយដូចខាងក្រោម ៖
១-បណ្ដាញ youtube ត្រូវផ្លូវការរបស់ក្រសួង www.youtube.com/moeys ដែលនឹងមានវីដេអូបង្រៀនទាំងអស់សម្រាប់សិស្សានុសិស្សសិក្សាបាន ទៅតាមពេលវេលាជាក់ស្ដែងរបស់ខ្លួន។
២-ទំព័រហ្វេសប៊ុកផ្លូវការរបស់ក្រសួង www.facebook.com/moeys.gov.kh ដែលនឹងធ្វើការផ្សព្វផ្សាយជារៀងរាល់ថ្ងៃក្នុងពេលព្រឹកសម្រាប់ថ្នាក់ទី៩ និងពេលរសៀលសម្រាប់ថ្នាក់ទី១២
៣-មជ្ឈមណ្ឌលសិក្សាអេឡិចត្រូនិករបស់ក្រសួង elearning.moeys.gov.kh ដោយសិស្សានុសិស្សអាចចូលទៅសិក្សាបានដោយចូលទៅជ្រើសរើសវគ្គសិក្សាឬមេរៀនដែលត្រូវសិក្សាដោយឥតគិតថ្លៃនិងមិនចាំបាច់ចុះឈ្មោះចូលជាភ្ញៀវ។
អាស្រ័យដូចបានជម្រាបជូនខាងលើនេះ ក្រសួងអប់រំយុវជន និងកីឡា សូមលោកគ្រូ អ្នកគ្រូ មាតាបិតា អ្នកអាណាព្យាបាលសិស្សចូលរួមជំរុញលើកទឹកចិត្តប្អូនៗសិស្សសានុសិស្សទាំងអស់ ជាពិសេសផ្ដល់លក្ខខណ្ឌអំណោយផលដើម្បីប្អូនៗអាចបន្តសិក្សាតាមប្រព័ន្ធអេឡិចត្រូនិកនិងបានជាប្រចាំដោយចូលទៅក្នុងគេហទំព័រនិងបណ្ដាញទំនាក់ទំនងសង្គមដែលបានផ្ដល់ជូនខាងលើតាមការគួរ៕