បង្ក្រាបយកស្នាដៃម្តងមើល អត់លេីកលែងដាច់ខាត ពួកខ្មោចល្បែង កុំអាងអ្នកនេះ អាងអ្នកនោះអោយសោះ បញ្ឈប់ជាបន្ទាន់
ភ្នំពេញ ៖ ទីតាំងជល់មាន់ដុះស្លែមួយកន្លែង កម្លាំងចម្រុះ នៃគណ:បញ្ចាការឯកភាពខណ្ឌជ្រោយចង្វារ ដែលដឹកនាំដោយលោក កែវ សារ៉ាវុធ អភិបាលរងខណ្ឌ តំណាងលោក ឃ្លាំង ហួត នឹងកំលាំងសមត្ថិកិច្ច នៅរសៀលថ្ងៃទី១៨ ខែមីនា ឆ្នាំ២០២០នេះ បានធ្វេីការឆ្មក់បង្ក្រាបយកស្នាដៃម្តង ត្រង់ចំណុចខាងក្រោយ ឡឥដ្ឋ ក្នុងភូមិសំបកមាស សង្កាត់បាក់ខែង ខណ្ឌជ្រោយចង្វារ ដោយឃាត់ខ្លួនអ្នកញៀនល្បែងចំនួន ៧នាក់ ព្រមទាំងចាប់យកសម្ភារ:នៃវត្ថុតាងមួយចំនួន ។
តាមប្រភពព័ត៌មានពីអាជ្ញាធរមូលដ្ឋានបានឲ្យដឹងថា ដោយមានប្រជាពលរដ្ឋបានរាយការណ៍មកថា ទីតាំងខាងលេីកំពុងតែបេីកសង្វៀនប្រជល់មាន់ និងអាប៉ោង ជារបស់ឈ្មោះឆាយ ហេីយបុគ្គលនេះតែងយកឈ្មោះអ្នកធំមួយចំនួន មកអួតអាង ដេីម្បីប្រកបរបរថោកទាបមួយនេះ ។ នាថ្ងៃទី១៨ ខែមីនា ឆ្នាំ២០២០នេះ ភ្លាមៗអាជ្ញាធរមូលដ្ឋាន ដោយការចូលរួមពីកម្លាំងនគបាលខណ្ឌ កម្លាំងអាវុធហត្ថខណ្ឌ ដឹកនាំកម្លាំងចម្រុះ ឆ្មក់បង្ក្រាបទីតាំងល្បែងជល់មាន់ខាងលេី រហូតឃាត់ខ្លួនអ្នកញៀនល្បែងចំនួន៧នាក់ ម៉ូតូជាច្រេីនគ្រឿង មាន់អាគក សម្ភារៈនៃវត្ថុតាងមួយចំនួនទៀត ។
ក្រោយពីបញ្ចប់ក្នុងប្រតិបត្តិការរួចរាល់ កម្លាំងចម្រុះ នៃគណៈបញ្ចាការឯកភាពខណ្ឌជ្រោយចង្វារ បានធ្វេីការរុះរេីទីតាំងខាងលេីចោលតែម្ដង ។
រីឯមនុស្សចំនួន៧នាក់ និងវត្ថុតាងខាងលេី ត្រូវបានបញ្ចូនមកកាន់អធិការដ្ឋាននគរបាលខណ្ឌជ្រោយចង្វារ ដេីម្បីអនុវត្តន៍តាមច្បាប់ ៕
