ស្រវឹងស្រាជោគជាំ បើករថយន្តទៅបុកគេហើយរកវ៉ៃអ្នកសារព័ត៌មានទៀត

ភ្នំពេញ៖ នៅវេលាម៉ោង១០:០៥នាទីយប់ថ្ងៃទី២២ ខែមិនា ឆ្នាំ២០២០ បុរសម្នាក់ស្រវឹងជោគជាំបើករថយន្តបុកប្រជាពលរដ្ឋនៅភូមិជំពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។

បុរសដែលស្រវឹងជោគជាំ បើករថយន្តម៉ាក Camarry កូថប៉ោង ដែលមានផ្លាកលេខ ភ្នំពេញ2C-8157 បើកបរតាមផ្លូវបេតុងដែលស្ថិតនៅភូមិជំពូវ័ន្តក្បែរផ្សារឯករាជ្យ២ សង្កាត់ចោមចៅ៣ ខណ្ឌពោធិ៍សែនជ័យ ទិសដៅពីលិចទៅកើត ស្រាប់តែមកដល់ចំណុចកើតហេតុខាងលើ ក៏បានបុកម៉ូតូមួយគ្រឿងបណ្តាលឲ្យម្ចាស់ម៉ូតូរងរបួសស្រាល ចំនែកម៉ូតូជនរងគ្រោះវិញគឺអូសជាប់នៅខាងក្រោមរថយន្តជនបង្កចំងាយប្រហែល ២០០ម៉ែត្រ។
ភ្លាមៗនោះដែរក៏មានការភ្ញាក់ផ្អើលដល់ប្រជាពលរដ្ឋ ស្រាប់តែប្រជាពលរដ្ឋដែលរស់នៅទីនោះក៏ចេញមកជួយធ្វើការឃាត់រថយន្តវនិងជនបង្កទុកដើម្បីប្រគល់ឲ្យទៅសមត្ថកិច្ច។ តែអ្វីដែលភ្ញាក់ផ្អើលជាងនេះទៀតជនបង្កឈ្លោះប្រកែកជាមួយប្រជាពលរដ្ឋចង់វ៉ៃប្រជាពលរដ្ឋថែមទាំងបញ្ចេញកាយវិការចរិតជាមនុស្សពាលចង់វ៉ៃអ្នកសារព័ត៌មានទៀតផង។ បើយោងតាមប្រសាសន៍​របស់សម្តេចអគ្គសេនាបតីតេជោ ហ៊ុន សែន បើស្រវឹងកុំបើកបរ តែបុរសម្នាក់វិញ ស្រវឹងបើកបុកហើយ ចង់វ៉ៃគេគ្រប់គ្នាទៀតពិតជាគគ្លើនមែន។

សូមបញ្ជាក់ថា រថយន្តនិងជនបង្កហេតុ ត្រូវបានសមត្ថកិច្ចខណ្ឌពោធិ៍សែនជ័យធ្វើការឃាត់ខ្លួនបញ្ជូនទៅអធិការខណ្ឌដើម្បីដោះស្រាយតាមនិតិវិធីច្បាប់៕