ភ្នំពេញ៖ សមត្ថកិច្ចនៃអធិការដ្ឋាននគរបាលខណ្ឌដូនពេញ នៅថ្ងៃទី២៤ខែមីនា ឆ្នាំ២០២០បានធ្វើការឃាត់ខ្លួនជនសង្ស័យចំនួនម្នាក់ក្នុងចំណោមបក្សពួកពីរនាក់ករណីលួចស្លាកលេខរថយន្ត។
សមត្ថកិច្ចបានឲ្យដឹងថា ជនសង្ស័យ ដែលឃាត់ខ្លួនមានឈ្មោះ សៅ វណ្ណា ភេទប្រុស អាយុ៣៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅផ្ទះជួលគ្មានលេខ ភូមិ៣ សង្កាត់ផ្សារចាស់ ខណ្ឌដូនពេញ រាជធានីភ្នំពេញ។

វត្ថុតាងដែលចាប់យកបានរួមមាន ស្លាកលេខរថយន្តចំនួន ៦គូ ស្មើរ១២សន្លឹក ដែលមានលេខ ដូចខាងក្រោម:
– ភ្នំពេញ 2AR:4712 ចំនួន០២សន្លឹក
– ភ្នំពេញ 2AR:0509 ចំនួន០២សន្លឹក
– ភ្នំពេញ 2AB:6207 ចំនួន០២សន្លឹក
– ភ្នំពេញ 2AS:2485 ចំនួន០២សន្លឹក
– ភ្នំពេញ 2AU:6487 ចំនួន០២សន្លឹក
– ភ្នំពេញ 2BA:2430 ចំនួន០២សន្លឹក
ឧបករណ៏សម្រាប់កាច់សោរកុងតាក់ម៉ូតូចំនួន១ សោរសម្រាប់ដោះ(ទួលវ៉ីស)ស្លាកលេខរថយន្តចំនួន ៥ដើម កាបូបខ្មៅ សម្រាប់ដាក់ស្លាកលេខចំនួន១ ។

ចំពោះមុខកំលាំងជំនាញខណ្ឌ និងប៉ុស្តិ៍កំពុងប្រើប្រាស់វិធានការ សាកសួរយកចំលើយ បន្តស្រាវជ្រាវរកបក្សពួក និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ អនុវត្តតាមនិតិវិធី៕