ត្រូវដឹងពីការវិវត្តនៃការឆ្លងមេរោគ Covid-19វិញ ប្រសើរជាងការភ័យខ្លាច
សុខភាព៖ មេរោគកូវីដ១៩ ដែលត្រូវបានគេដឹងថា គឺជាជំងឺឆ្លងបណ្តាលមកពីវីរុសដែលរកឃើញថ្មីបំផុត ហើយវីរុសថ្មីនេះមិនទាន់ត្រូវបានគេដឹងនៅឡើយតាំងពីមុនពេលការផ្ទុះបានចាប់ផ្តើមនៅទីក្រុង Wuhan ប្រទេសចិនកាលពីខែធ្នូ ឆ្នាំ២០១៩ មកម្លេះ។
មនុស្សមួយចំនួនមានការភ័យខ្លាចហួសប្រមាណជាហេតុធ្វើឲ្យមានការរើសអើងគ្នាទៅវិញទៅមក ទិញទំនិញស្តុកទុកជាដើម ហេតុដូចនេះ អ្នកគប្បីដឹងពីការវិវត្តឆ្លងនៃវីរុសកូវីដ១៩ ដើម្បីកាត់បន្ថយការព្រួយបារម្ភហួសហេតុ ដែលនរណាៗក៏អាចឆ្លងវីរុសប្រភេទនេះបានដែរ គឺឆ្លងតាមរយៈអ្នកដែលផ្ទុកមេរោគនេះផ្ទាល់តែម្តង ហើយជំងឺនេះអាចឆ្លងពីមនុស្សម្នាក់ទៅមនុស្សម្នាក់តាមរយៈដំណក់ទឹកតូចៗពីច្រមុះឬមាត់ដែលត្រូវបានរីករាលដាលនៅពេលមនុស្សម្នាក់មានការក្អក ឬខ្យល់ដកដង្ហើម នៅពេលដំណក់ទឹកទាំងនេះជាប់នៅលើវត្ថុនិងលើរាងកាយមនុស្ស្ស អ្នកផ្សេងទៀតដែលចាប់ឬប៉ះផ្ទាល់វត្ថុឬផ្ទៃខាងលើដោយមកប៉ះភ្នែកច្រមុះឬមាត់ មនុស្សទាំងនោះក៏អាចឆ្លង COVID-19 បានយ៉ាងងាយ លោកអ្នកក៏អាចនឹងងាយឆ្លងវីរុសថ្មីប្រភេទនេះបានយ៉ាងងាយដែរតាមរយៈខ្យល់ដកដង្ហើមរបស់មនុស្សដែលបានផ្ទុកវីរុសនេះនៅក្នុងខ្លួន ដូច្នោះជាការប្រសើរអ្នកគប្បីនៅឲ្យបានឆ្ងាយយ៉ាងតិចមួយម៉ែត្រកន្លះពីគ្នា។
អង្គការសុខភាពពិភពលោក WHO ពេលបច្ចុប្បន្ននេះ ក៏បាននឹងកំពុងស្រាវជ្រាវពីការវិវត្តបន្ថែមទៀតរបស់វីរុសកូរ៉ូណានេះផងដែរ កត្តាដែលជាគន្លឺះសំខាន់បំផុតនោះគឺ ការរក្សាអនាម័យរបស់ខ្លួនអ្នក បរិភោគអាហារបំប៉នសុខភាព ទទួលទានទឹកក្តៅ គេងឲ្យបានគ្រប់គ្រាន់ និងហាត់ប្រាណឲ្យបានជាប្រចាំ៕
