រដ្ឋសភាបោះឆ្នោតផ្តល់សេចក្តីទុកចិត្ត និងកែសម្រួលសមាសភាពសមាជិករាជរដ្ឋាភិបាលថ្មី

ភ្នំពេញ៖ រដ្ឋសភានៃព្រះរាជាណាចក្រកម្ពុជា បានបើកសម័យប្រជុំវិសាមញ្ញ នីតិកាលទី៦​ ដើម្បី​បោះឆ្នោត​ផ្តល់សេចក្តីទុកចិត្តលើការតែងតាំង និងកែសម្រួលសមាភាពរាជរដ្ឋាភិបាល សម័យប្រជុំរដ្ឋសភានេះ បានប្រព្រឹត្តទៅក្រោមអធិបតីភាពសម្តេចអគ្គមហាពញាចក្រី ហេង សំរិន ប្រធាន រដ្ឋសភា ព្រមទាំងមាន​ការអញ្ជើញចូលរួមរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ​ព្រះរាជា​ណាចក្រ​កម្ពុជា  និងសមាជិក សមាជិការដ្ឋសភាសរុប១២១រូប នៅ​ព្រឹក​ថ្ងៃទី៣០ ខែមីនា ឆ្នាំ២០២០នេះ នៅ​វិមានរដ្ឋសភា។

យោងតាមលិខិតរបស់សម្តេចអគ្គមហាសេនាបតីតេជោ  ហ៊ុន សែន នាយករដ្ឋ​មន្ត្រីនៃ ព្រះរាជាណាចក្រ​កម្ពុជា​ ផ្ញើជួនសម្តេចអគ្គមហាពញាចក្រី ហេង សំរិន ប្រធាន រដ្ឋសភា ស្នើសម្ដេចប្រធានរដ្ឋសភា​អនុញ្ញាត​រៀបចំការបោះឆ្នោតផ្តល់សេចក្តីទុកចិត្តរបស់រដ្ឋសភាលើការតែងតាំង និងកែសម្រួលសមាសភាព​នៃ​រដ្ឋាភិបាល។

ក្នុងលិខិតស្នើសុំរបស់សម្ដេចតេ​ជោនាយករដ្ឋមន្រ្ដី តែងតាំងទេសរដ្ឋមន្ត្រី៖

១. ឯកឧត្ដមកិត្ដិសេដ្ឋាបណ្ឌិត ចម ប្រសិទ្ធ ជា ទេសរដ្ឋមន្ត្រី

២. ឯកឧត្ដម ហ៊ឹម ឆែម ជាទេសរដ្ឋមន្ត្រី(ទទួលបន្ទុកបេសកកម្មពិសេស)

៣. ឯកឧត្ដម អង្គ វង្សវឌ្ឍានា ជាទេសរដ្ឋមន្ត្រី (ទទួលបន្ទុកបេសកកម្មពិសេស)

៤. ឯកឧត្ដម ត្រាំ អ៊ីវតឹក ជាទេសរដ្ឋមន្ត្រ(ទទួលបន្ទុកបេសកកម្មពិសេស)

៥. ឯកឧត្ដម ពេជ្រ ប៊ុនធិន ជាទេស រដ្ឋ​មន្ត្រី (ទទួលបន្ទុកបេសកកម្មពិសេស)៕