តែក្នុងមួយប៉ព្រិចភ្នែកសោះ ចំនួនអ្នកឆ្លងជំងឺកូវីដ-19 នៅក្នុងពិភពលោកគឺបានកេីនជាង៤លាននាក់

សម្តេចតេជោ ហ៊ុន សែន បានសរសេរសារផ្ញើរជូនប្រជាពលរដ្ខរបស់សម្តេចថា ៖

“សុខសប្បាយជាទេបងប្អូនជនរួមជាតិ?

តែក្នុងមួយប៉ព្រិចភ្នែកសោះចំនួនអ្នកឆ្លងជំងឺកូវីដ-19 នៅក្នុងពិភពលោកគឺបានកេីនជាង៤លាននាក់។ នេះគឺក្តីបារម្ភខ្លាំងបំផុតរបស់ពិភពលោកទាំងមូល។

ចំពោះនៅប្រទេសយេីងវិញ​ ទោះបីចំនួនអ្នកដែលបានព្យាបាលជាសះស្បេីយបានច្រេីន​ ហេីយពុំមានអ្នកឆ្លងថ្មីក៏ដោយគឺសូមបងប្អូនប្រជាពលរដ្ឋបន្តយកចិត្តទុកដាក់ខ្ពស់ជានិច្ចចំពោះអនាម័យសុខភាព​ជាប្រចាំដូចជាត្រូវឧស្សាហ៍ដុសលាងសម្អាតដៃនិងសាប៊ូ​ ឬទឹកអាល់កុល​ ឬចឹលសម្លាប់មេរោគ​ នឹងត្រូវពាក់ម៉ាសឬក្រម៉ាកុំអោយឆ្លងរោគពីយេីងទៅគេ​ និងពីគេមកយេីង​ ព្រោះជំងឺដ៏កាចសាហាវនេះងាយឆ្លងលឿនណាស់។ ត្រូវបន្តយកចិត្តទុកដាក់ស្តាប់តាមការណែនាំរបស់ក្រសួងសុខាភិបាល។