ឯកឧត្តមនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ ប្រគល់អំណោយសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដល់អនុសាខាកាកបាទក្រហមក្រុងបាវិត
នៅថ្ងៃទី៣១ ខែឧសភា ឆ្នាំ២០២០ អនុសាខាកាកបាទក្រហមក្រុងបាវិត បានរៀបចំពិធីប្រគល់និងទទួលអំណោយសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈ ឯកឧត្តមនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ និងជាប្រធានក្រុមការងារថ្នាក់ជាតិចុះជួយក្រុងបាវិតនិងស្រុកចន្ទ្រា ដល់អនុសាខាកាកបាទ ក្រហមកម្ពុជា ក្រុងបាវិត នូវស្បៀងនិងសម្ភារ: រួមមាន៖
-អង្ករ១០តោន -មី១០០កេស -ទឹកត្រី១០០យូរ -ទឹកស៊ីអ៉ីវ១០០យូរ -ត្រីខ៨កេសធំ
-ប្រេងសាំង១០០០លីត្រ និងថវិកា ចំនួួន ១១៥០០០០០រៀល ។
