ចោរលួចកាច់ឆ្គឹះកញ្ចក់រថយន្តស៊េរីទំនើប២នាក់ អស់ល័ក្ខ សមត្ថកិច្ចចាប់បានម្នាក់
ភ្នំពេញ ៖ ម្ចាស់រថយន្តនិងកម្លាំងព្រហ្មទណ្ឌក្រសួងតាមចាប់ជនសង្ស័យម្នាក់ ក្នុងចំណោម២នាក់ ដែលធ្វើសកម្មភាព លួចឆ្គឹះកញ្ចក់រថយន្តម៉ាក TUNDRA ខណៈ ម្ចាស់ចតទុកមុខហាង កាលពីវេលាម៉ោង ១និង៤០នាទី រំលងអាធ្រាត្រឈានចូលថ្ងៃទី០២ មិថុនា ២០២០ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
បេីតាមប្រភពពីម្ចាស់រថយន្តបានប្រាប់ថា កាលពីយប់រំលងអធ្រាត្រឈានចូលថ្ងៃទី២ ខែមិថុនា ឆ្នាំ២០២០ គាត់បានទុករយន្តនៅមុខហាងកាហ្វេរបស់គាត់ដូចសព្វដង ដល់វេលាកើតហេតុក៏មានជនសង្ស័យពីរនាក់ជិះម៉ូតូ១គ្រឿងម៉ាក Wave មកឈប់នៅក្បែររថយន្ត ជនសង្ស័យម្នាក់ចុះមកធេី្វសកម្មភាពឆ្កឹះកញ្ចក់រថយន្តដែរចតនៅមុខហាង។ ភ្លាមនោះក៏មានសន្តិសុខដែលយាមហាង ស្ទុះចេញពីក្នុងហាងដេញតាមចាប់ពីក្រោយ ប៉ុន្ដែតាមមិនទាន់ដោយសារជនសង្ស័យរត់ឡេីងម៉ូតូដេីម្បីជាមួយបក្សពួកគេចខ្លួន ។
ក្រោយការស្រាវជ្រាវអស់គ្នាច្រើនម៉ោង លុះដល់ម៉ោង៤ល្ងាចថ្ងៃដដែល ម្ចាស់រថយន្តរួមជាមួយកម្លាំងសមត្ថកិច្ចព្រហ្មទណ្ឌក្រសួងមហាផ្ទៃ បានជិះតាមរកជនសង្ស័យរហូតមកដល់ចំនុចរបងមន្ទីរពេទ្យគន្ធបុប្ផា ក៏ប្រទះឃេីញជនសង្ស័យម្នាក់ដែលជាអ្នកធ្វេីសកម្មភាពលួច និងចាប់ប្រគល់ឲ្យសមត្ថកិច្ចតែម្តង។
ក្រោយពេលកេីតហេតុកម្លាំងសមត្ថកិច្ចព្រហ្មទណ្ឌក្រសួងមហាផ្ទៃបានប្រគល់ឲ្យប៉ុស្តិ៍នគរបាលរដ្ឋបាលផ្សារថ្មី១ ដេីម្បីកសាងសំណុំរឿងបញ្ជូនទៅកាន់តុលាការ ៕ប្រភព សំណាង៩៦
