“រពឹសដៃ ផ្ទៃឆ្អែត” យុវជនម្នាក់ និងយុវតីម្នាក់ រពឹសដៃជាប់គុក

ខេត្តបាត់ដំបង៖ ហេតុការណ៍នេះបានកើតឡើងកាលពីវេលាម៉ោងប្រមាណ៧ និង៣០ នាទី ព្រឹកថ្ងៃសៅរ៍ ទី១៣ ខែមិថុនា ឆ្នាំ២០២០ នៅចំណុចលើដងផ្លូវភូមិកំពង់សីម៉ា សង្កាត់វត្តគរ ក្រុងបាត់ដំបង

ជនរងគ្រោះឈ្មោះ ហេង សុខលេង ភេទស្រី អាយុ២៩ឆ្នាំ មានទីលំនៅក្រុមទី៥ ភូមិខ្សាច់ពោយ សង្កាត់វត្តគរ ក្រុងបាត់ដំបង ខេត្តបាត់ដំបង កំពុងឈរនិយាយទូរស័ព្ទ នៅលើម៉ូតូក្បែរចិញ្ចើមផ្លូវ នាចំណុចកើតហេតុខាងលើ។

សម្ភារ:បាត់បង់រួមមានទូរស័ព្ទដៃម៉ាក Sam Sung ចំនួន១គ្រឿង ក្រោយទទួលបានព័ត៌មាន ក្រោមបញ្ជារបស់ឯកឧត្តម ឧត្តមសេនីយទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង លោកវរ សេនីយ៍ទោ លឹម ពុទ្ធីឡា ស្នងការរងផែនការ ងារនគរបាលព្រហ្មទ័ណ្ឌ បានដឹកនាំអនុវត្តដោយធ្វើការស្រាវជ្រាវជាបន្ទាន់ ដែលក្នុងនោះមាន សមត្ថកិច្ចនគរបាលក្រុងបាត់ដំបងដែលមានលោកវរសេនីយ៍ឯក ឆាង វណ្ណឆៃ ជាអធិការនិងកម្លាំងការិយាល័យនគរបាលព្រហ្មទណ្ឌកម្រិតធ្ងន់ ដែលមានលោកវរសេនីយឯក អូន ហ្វៃ ជានាយការិយាល័យ រហូតឈានដល់ការឃាត់ខ្លួនជនសង័្សយជាជនដៃដល់ក្នុងករណី(ឆក់ទូរស័ព្ទដៃ) ខាងលើបានចំនួន ២នាក់ក្នុងថ្ងៃដដែលនោះគឺ៖

១-ឈ្មោះ ជួន កក្កដា ហៅអាម៉ៅ អាយុ២៦ឆ្នាំ ទីលំនៅជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង។

២-ឈ្មោះ ជលក ភេទស្រី អាយុ១៦ឆ្នាំ ទីលំនៅភូមិចុងព្រែក សង្កាត់ក្តុលដូនទាវ ក្រុងបាត់ដំបង ខេត្តបាត់ដបង វត្ថុតាងដកហូតពេលនេះមានម៉ូតូ ១គឿង។

បច្ចុប្បន្នសមត្ថកិច្ចកំពុងស្រាវជ្រាវរៀបចំ សំណុំរឿងបញ្ជូនទៅអយ្យការអមសាលាដំបូងខេត្តបាត់ដំបងចាត់ វិធានការតាមផ្លូច្បាប់ ៕