នគរបាលឃាត់ខ្លួនក្រុមញៀនល្បែងជល់មាន់៤នាក់មិនជូនដំណឹងសមត្ថកិច្ច

ខេត្តកណ្តាល៖ ក្រុមញៀនល្បែងជល់មាន់៤នាក់ត្រូវបានកម្លាំងនគរបាលស្រុកកៀនស្វាយចុះធ្វើការបង្រ្កាប់នៅ ថ្ងៃទី១៤ ខែមិថុនា ឆ្នាំ២០២០ វេម៉ោង១២នឹង៣៥នាទី នៅចំណុចភូមិដូនស ឃុំគគីរ ស្រុកកៀនស្វាយ ខេត្ដកណ្ដាល។

ក្នុងករណីបង្រ្កាប់នោះកម្លាំងនគរបាលឃាត់ខ្លួនជនសង្ស័យញៀនល្បែងចំនួន៤នាក់៖ ១.ឈ្មោះ សុខ ប្រសើរ ភេទប្រុស អាយុ៣១ឆ្នាំ ជនជាតិខ្មែរ មុខរបរជាងផ្សារដែក មានទីលំនៅភូមិស្ដៅកន្លែង ឃុំដីឥដ្ឋ ស្រុកកៀនស្វាយ ខេត្ដកណ្ដាល។
២.ឈ្មោះ ស៊ុន រ៉ាម៉េត ភេទប្រុស អាយុ២០ឆ្នាំ ជនជាតិខ្មែរ មុខរបរកម្មករ មានទីលំនៅភូមិដីឥដ្ឋកោះផុស២ ឃុំដីឥដ្ឋ ស្រុកកៀនស្វាយ ខេត្តកណ្ដាល។
៣.ឈ្មោះ ហ៊ុន ឡូ ភេទប្រុស អាយុ៥១ឆ្នាំ ជនជាតិខ្មែរ មុខរបរកសិករ មានទីលំនៅ ភូមិទួលដូង ឃុំគគីរ ស្រុកកៀនស្វាយ ខេត្តកណ្ដាល។
៤.ឈ្មោះ ដូង សិទ្ធី ភេទប្រុស អាយុ៣៤ឆ្នាំ ជនជាតិខ្មែរ មុខរបរកសិករ មានទីលំនៅភូមិរទាំង ឃុំភូមិធំ ស្រុកកៀនស្វាយ ខេត្តកណ្ដាល។

ក្នុងករណីបង្រ្កាបកម្លាំងនគរបាលរឹបអូសបានវត្ថុតាងរួមមាន ១.ម៉ូតូចំនួន៣គ្រឿង ម៉ាកវ៉េវអាល់ហ្វា ពណ៌ខ្មៅ សេរី២០១៩ ពាក់ផ្លាកលេខ កណ្ដាល 1AE 0948 និងម៉ាកសេ125ពណ៌ខ្មៅ សេរី២០១៨ ពាក់ផ្លាកលេខ ភ្នំពេញ 1GT 7419 និងម៉ូតូសង់កូរ៉េ ពណ៌ក្រហម គ្មានផ្លាកលេខ ព្រមទាំងជញ្ជីងសម្រាប់ថ្លឹងមាន់មួយគ្រឿង-ស្បែកជើង ១២គូ-ស្កុតរ៉ំជើងមាន់​៦០ដុំ-កន្រ្តកសំរាប់ដាក់មាន់ចំនួន៥-មាន់ឈ្មោលចំនួន៤ក្បាល (រស់៣ក្បាលងាប់១ក្បាល់)។

បើយោងតាមសមត្ថកិច្ចឲ្យដឹងនៅវេលាម៉ោងកើតហេតុខាងលើកម្លាំងជំនាញផ្នែកព្រហ្មទណ្ឌនៃអធិការដ្ឋាននគរបាលស្រុកកៀនស្វាយបានទទួលសេចក្តីរាយការណ៍ពីក្រុមញៀនល្បែងឲ្យដឹងថា មានករណីបើកលេងល្បែងជន់មាន់យ៉ាងគគ្រឹកកគ្រេង។ នៅពេលនោះកម្លាំងក៍បានចុះសហការជាមួយកំលាំងប៉ុស្តិ៍នគរបាលរដ្ឋបាលគគីរទៅដល់កន្លែងទីតាំងបើកល្បែងសុីសងដោយខុសច្បាប់(ជល់មាន់)នៅក្នុងដីឡូតិ៍មួយកន្លែងក្នុងភូមិ-ឃុំខាងលើ។

កម្លាំងនគរបាលយើងបានធ្វើការបង្រ្កាប់តែម្តងដែលកំពង់តែប្រព្រឹត្ត រួចសមត្ថកិច្ចបានប្រមូលវត្ថុតាងដែលបម្រើឲ្យការជល់មាន់ នឹងនាំខ្លួនជនសង្ស័យខាងលើ មកកាន់អធិការរដ្ឋានគរបាលស្រុកកៀនស្វាយ ដើម្បីបន្តនិតិវិធី៕ សភារាជ