ថ្នាំឆ្កួត ឃាត់ខ្លួនយុវជនជួញដូរគ្រឿងញៀន២នាក់ ក្នុងចំណោម៥នាក់

ខេត្តកណ្តាល៖ យុវជនគ្រឿងញៀន២នាក់ត្រូវបានកម្លាំងនគរបាលឃាត់ខ្លួនក្នុងករណីបង្រ្កាប់គ្រឿងញៀនហេតុការណ៍នេះធ្វើឡើងនៅថ្ងៃពុធ១១កើត ខែអាសាឍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០១ ខែកក្កដា ឆ្នាំ២០២០ វេលាម៉ោង១៥និង៣០នាទីរសៀលនៅចំណុចរោងចាំចំការមួយកន្លែងដែលម្ចាស់ទុកចោលក្នុងភូមិព្រៃទទឹង ឃុំខ្ពប ស្រុកស្អាង ខេត្តកណ្តាល។

ការបង្រ្កាប់នោះជនសង្ស័យចំនួន ៥នាក់ប៉ុន្តែឃាត់ខ្លួនបាន ២នាក់(៣នាក់គេចខ្លួន)
១.ឈ្មោះ ភី ភក្រ័ ភេទប្រុស អាយុ២៨ឆ្នាំ ជនជាតិខ្មែរ មុខរបរនេសាទត្រី ទីលំនៅភូមិត្នោតញី ឃុំខ្ពប ស្រុកស្អាង ខេត្តកណ្តាល ។(ឃាត់ខ្លួន)
២.ឈ្មោះ ធឿន លីន ភេទប្រុស អាយុ១៩ឆ្នាំ ជនជាតិខ្មែរ មុខរបរកសិករ ទីលំនៅភូមិរកាលើ ឃុំខ្ពប ស្រុកស្អាង ខេត្តកណ្តាល ។(ឃាត់ខ្លួន)
វត្ថុតាងចាប់យករួមមាន ម្សៅក្រាមពណ៌សថ្លាសង្ស័យថាជាសារធាតុញៀន(ម៉ាទឹកកក)ចំនួន៧កញ្ចប់ក្នុងនោះធំ ១កញ្ចប់ និងតូច៦កញ្ចប់ និងសំភារៈប្រើប្រាស់វេចខ្ចប់មួយចំនួន-ជញ្ជីងថ្លឹងគ្រឿងញៀន ចំនួន ១គ្រឿង-ទូរស័ព្ទ ចំនួន ១គ្រឿង ម៉ាកចុចពិល ម៉ូតូចំនួន ១គ្រឿងម៉ាកហុងដា សេ១២៥ ពណ៍ខ្មៅ ពាក់ផ្លាកលេខ កំពង់ចាម 1W – 3137 ជារបស់ឈ្មោះ ភី ភ័ក្ត្រ-កាបូបស្ពាយចំនួន៤។
សមត្ថកិច្ចឲដឹងថា នៅថ្ងៃនិងវេលាម៉ោងកើតហេតុខាងលើ កម្លាំងប៉ុស្តិ៍នគរបាលរដ្ឋបាលឃុំខ្ពប ទទួលបានព័ត៌មានពីប្រជាពលរដ្ឋល្អរាយការណ៍ថា មានករណីជួញដូរនឹងប្រើប្រាស់គ្រឿងញៀន។ ភ្លាមនោះកម្លាំងប៉ុស្តិ៍នគរបាលឃុំខ្ពប ក៍បានចុះដល់ចំណុចកើតហេតុ ដោយក្នុងភូមិសាស្រ្តនោះមានការស្មុគស្មាញពេកហើយខណៈពេលនោះជនសង្ស័យចំនួន ៥នាក់ បានប្រទះឃើញសមត្ថកិច្ចនគរបាលយើងក៏បានរត់គេចខ្លួន ហើយកម្លាំងយើងបានដេញតាមឃាត់ខ្លួនជនសង្ស័យបានម្នាក់ឈ្មោះ ភី ភ័ក្រ្ត ក្នុងចំណោមជនសង្ស័យចំនួន៥នាក់ និងធ្វើការត្រួតពិនិត្យកន្លែងកើតហេតុ នឹងរកឃើញវត្ថុតាងដែលមានដូចខាងលើនោះ ក៍នាំខ្លួនជនសង្ស័យរួមនឹងវត្ថុតាងបញ្ជូនមកប៉ុស្តិ៍នគរបាលខ្ពប ដើម្បីសាកសួរ ។
ឈ្មោះ ភី ភ័ក្រ្ត បានអះអាងថា គ្រឿងញៀនចំនួន ៧កញ្ចប់ និងជញ្ជីងថ្លឹងគ្រឿងញៀន ចំនួន ១គ្រឿង និងសំភារៈប្រើប្រាស់វេចខ្ចប់មួយចំនួន មិនមែនជារបស់ខ្លួនឡើយ ចំណែកម៉ូតូ ចំនួន ១គ្រឿង ម៉ាកហុងដា សេ១២៥ ពិតជារបស់ខ្លួនពិតប្រាកដមែន។
បច្ចុប្បន្នជនសង្ស័យ បានឃាត់ខ្លួននៅអធិការដ្ឋាននគរបាលស្រុកស្អាងដើម្បីកសាងសំណុំរឿងអនុវត្ដតាមនីតិវីធី ៕ សភារាជ