រថយន្តបាញ់សុីម៉ង់ត៍បើកបុកហើយកិនស្រ្តីម្នាក់ ដាច់ខ្លួនជាពីរបីកំណាត់ នៅលើផ្លូវ217 ខណ្ឌមានជ័យ

ភ្នំពេញ៖ រថយន្តបាញ់សុីម៉ងត៍បានបើកបុកម៉ូតូមួយគ្រឿងហើយកិនស្រ្តីម្នាក់ស្លាប់បាត់បង់ជីវិតភ្លាមៗមួយរំពេច ករណីនេះ កើតឡើងនៅវេលាម៉ោង ៩នឹង៤០នាទី ព្រឹកថ្ងៃទី១០ ខែកក្កដា ឆ្នាំ២០២០ តាមបណ្តាយផ្លូវ២៧១ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។

តាមប្រភពពីកន្លែងកើតហេតុបានថ្លែងប្រាប់ថា រថយន្តបាញ់សុីម៉ង់ត៍នឹងម៉ូតូរបស់ជនរងគ្រោះបើកបរស្របផ្លូវគ្នា តាមបណ្តាយផ្លូវ២១៧ ពីជើងទៅត្បូង លុះមកដល់ចំនុចកើតហេតុនៅស្តុបស្រាបៀរ រថយន្តបង្កបានបុកម៉ូតូជនរងគ្រោះ ម៉ាកHonda Dream 016 ដែលពាក់ស្លាកលេខ កំពត 1J-1061 ហើយអូសជាង300ម៉ែត្រហើយកិនស្រ្តីម្នាក់ធ្វើអោយដាច់ជើងចេញពីខ្លួនស្លាប់ភ្លាមមួយរំពេច។

ភ្លាមៗនោះ សមត្ថកិច្ចបានដេញឃាត់រថយន្តបង្កដែលខំបើករត់ជាង៣០០ម៉ែត្រ ហើយនាំខ្លួនតៃកង់រថយន្តនោះយកទៅប៉ុស្ដិ៍នគរបាល ស្ទឹងមានជ័យ៣ ដើម្បីធ្វើការសាកសួរ។

ជនរងគ្រោះដែលបានស្លាប់ ឈ្មោះ ហុង ឆៃណា ភេទស្រី អាយុ៣៥ ស្រុកកំណើត នៅស្រុកស្វាយអន្ទរ ខេត្តព្រៃវែង មានកូន៣នាក់ ប្រុសទាំងអស់។

ក្រោយកើតហេតុ សមត្ថកិច្ចបានប្រគល់សាកសពស្រ្តីរងគ្រោះទៅក្រុមគ្រួសារដើម្បីធ្វើបុណ្យតាមប្រពៃណី ហើយរថយន្តបាញ់សុីម៉ងនិងម៉ូតូ សមត្ថកិច្ចប្រគល់ឲ្យប៉ូលិសចរាចរក្រុងយកទៅរក្សារទុកនឹងរងចាំដោះស្រាយគ្នាពេលក្រោយ៕ ដោយ សុខ សុភា