រកឃេីញវិជ្ជមាន១ករណីទៀតហេីយ ក្នុងចំណោមអ្នកដំណេីរដែលបានវិលត្រឡប់មកពីប្រទេសអារ៉ាប់ប៊ីសាអូឌីត
រហូតដល់ម៉ោង ៨:៣០ព្រឹក ថ្ងៃទី១៦ កក្កដា ២០២០ យេីងរកឃេីញករណីជំងឺកូវីដ-១៩ ថ្មី១នាក់ទៀត ជាករណីនាំចូល គាត់ជនជាតិខ្មែរធ្វេីដំណេីរពីប្រទេសអារ៉ាប់ហោះហេីរឆ្លងកាត់ប្រទេសម៉ាឡេស៊ី ក្រោយពីធ្វេីតេស្តជាលេីកទី៣ក្នុងចំណោមអ្នកអវិជ្ជមាន ព្រោះគាត់ជិះយន្តហោះជាមួយអ្នកវិជ្ជមានមកពីអារ៉ាប់ ២៤នាក់មុន ដូច្នេះចំនួនសរុបកូវីដ-១៩ កេីន១៦៦នាក់ និងជាសះស្បេីយគ្មាន ចំនួនសំរាកនៅពេទ្យកេីន ៣៣នាក់ ចំនួនជាសះស្បេីយសរុបចំនួន១៣៣នាក់ និងស្លាប់គ្មាន ។
ជំងឺកូវីដ-១៩ នៅតែបន្តគម្រាមកំហែងយេីងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសជិតខាងយេីងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយ យេីងត្រូវបន្តអនុវត្តគម្លាតសង្គមបន្តទៀត ដូចជាពន្យាការរៀបអាពាហ៌ពិពាហ៌ ពិធីជប់លៀង ការចាក់ធុងបាសរាំ ។ល។ យេីងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ។ ល។
យេីងត្រូវបន្តពាក់ម៉ាស់នៅពេលចាំបាច់ និងឧស្សាហ៍លាងដៃជាមួយសាប៊ូ អាល់កុល ឬជែល សូមបញ្ជាក់ថា ប្រទេសយេីងរកឃេីញករណីជំងឺកូវីដ១៩ដំបូងបំផុតនៅថ្ងៃទី ២៧ មករា ២០២០ ។
យេីងបានធ្វេីតេស្តចំនួន ៤៨៤៣៥ ស្មេីនឹង ២៩១៧ ក្នុង១លាននាក់ ព័ត៌មានបន្ថែមសូមទាក់ទងលេខ 115 ៕
