ឯកឧត្តម គី តិច ប្រធានក្រុមការងាររាជរដ្ឋាភិបាល ចុះជួយឃុំក្រាំងធ្នង់ ស្រុកបាទី ខេត្តតាកែវ រួមជាមួយក្រុមមេធាវីរាជរដ្ឋាភិបាល ក្រុមមេធាវីស្ម័គ្រចិត្តសម្តេចតេជោសែន ក្រុមមេធាវីសាខាបក្សបានសហការចូលរួមជាបច្ច័យ និងនាំយកនូវសម្ភារៈបរិក្ខា គ្រឿងឧបភោគបរិភោគ និងថវិកា ទៅប្រគេនព្រះសង្ឃគង់ចាំព្រះវស្សា
ភ្នំពេញ៖ នាឱកាសថ្ងៃឈប់សម្រាកការងារ ទី១៨ ខែសីហា ឆ្នាំ២០២០ ឯកឧត្តម គី តិច ប្រធានក្រុមការងាររាជរដ្ឋាភិបាល ចុះជួយឃុំក្រាំងធ្នង់ ស្រុកបាទី ខេត្តតាកែវ រួមជាមួយក្រុមមេធាវីរាជរដ្ឋាភិបាល ក្រុមមេធាវីស្ម័គ្រចិត្តសម្តេចតេជោសែន ក្រុមមេធាវីសាខាបក្សបានសហការចូលរួមជាបច្ច័យ និងនាំយកនូវសម្ភារៈបរិក្ខា គ្រឿងឧបភោគបរិភោគ និងថវិកា ទៅប្រគេនព្រះសង្ឃគង់ចាំព្រះវស្សា ស្ថិតនៅក្នុងវត្តចំនួន៣ រួមមាន: វត្តទេពបុរី វត្តទន្លេបាទី និងវត្តអង្គបរិច្ចាក ។
ក្នុងនោះ វត្តនីមួយៗទទួលបាននូវ បច្ច័យកសាងចំនួន ៥០០$ (ប្រាំរយដុល្លារអាមេរិក) ទៀនវស្សាចំនួន ១គូ អង្គរចំនួន ២បាវ ត្រីខចំនួន ៥ដុំ មីចំនួន ១កេសធំ ទឹកត្រីចំនួន ២យួរ ទឹកស៊ីអ៊ីវចំនួន ២យួរ ទឹកផ្លែឈើចំនួន ៣កេស ទឹកក្រូចចំនួន ៣កេស ទឹកសុទ្ធចំនួន ១០កេស តែចំនួន ៥កញ្ចប់ធំ កាហ្វេចំនួន ៥កញ្ចប់ ទៀនចំនួន ៥គីឡូ ១ដុំ និង ធូបចំនួន ២ដុំ ។
ជាមួយគ្នានេះ ឯកឧត្ដមប្រធាន ក៏បានថ្លែងអំណរអរគុណដល់សមាជិកក្រុមមេធាវីទាំងអស់ ជាម្ចាស់ទានប្រធានបុណ្យ ដែលបានរួមគ្នាបង្កើតឡើង នូវពិធីនេះ ។ សូមឧទ្ទិសកុសលផលបុណ្យ ដែលកើតចេញពីសទ្ធាជ្រះថ្លា ទាំងអស់នេះ ជូនដល់ម្ចាស់ទាន ប្រធានបុណ្យគ្រប់ៗរូប សូមបានជួបនូវសេចក្តីសុខ សេចក្តីចម្រើន សុខសុភមង្គល និងទទួលបានជោគជ័យ គ្រប់ការប្រកប កិច្ចការងារ ៕
