ឯកឧត្តម ជុំ កុសល៖ មនុស្សមួយក្រុមដែលកំពុងតែធ្វើសកម្មភាពនយោបាយឧទ្ទាមពីក្រៅប្រទេស តាមមធ្យោបាយញុះញុង់ ប្រៀបដូចសំឡេងឆ្កែព្រុសប៉ុណ្ណោះ
ឯកឧត្តម ជុំ កុសល ទីប្រឹក្សាសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដោយយល់ឃើញ
«ពាក្យខ្មែរតែងនិយាយថា ៖ « ឆ្កែចេះតែព្រុស មនុស្សចេះតែដើរ » គឺពិតជាមានអត្ថន័យជ្រាលជ្រៅ ឆ្លុះបញ្ចាំងគ្រប់រឿង គ្រប់ស្ថានការណ៍ គ្រប់ពេលវេលាគឺអាស្រ័យលើការយកមកប្រើ ។ ប្រយោគនេះមានន័យចំ ( អត្ថានុរូប ) និង ន័យធៀប ( អត្ថបដិរូប ) ។
ន័យចំគឺ ៖ (អត្ថានុរូប):- សារធាតុសត្វឆ្កែបើវាឃើញមនុស្សដើរគឺវាតែងតែព្រុស ។ នេះគឺជាធម្មជាតិរបស់វា ។ តែបើមនុស្សមិនរវល់អើពើជាមួយនឹងវា ហើយចេះតែដើរទៅ សំឡេងព្រុសរបស់វាក៏គ្មានការរំខានដំណើរយើងដែរ ។ តែបើយើងលឹប ល ជាមួយ វាកាន់តែព្រុស ។
ងាកមកនិយាយពីន័យធៀប ( អត្ថបដិរូប )
បច្ចុប្បន្ន ក្រុមមនុស្សមួយក្រុមដែលកំពុងតែធ្វើសកម្មភាពនយោបាយឧទ្ទាមពីក្រៅប្រទេស តាមមធ្យោបាយញុះញុង ប្រៀបដូចសំឡេងឆ្កែព្រុសប៉ុណ្ណោះ ។ ឯ រាជរដ្ឋាភិបាលក៏ចេះតែបោះជំហ៊ានទៅមុខដោយគ្មានអ្វីជាឧបសគ្គឡើយ ។ ប្រជាពលរដ្ឋស្គាល់ច្បាស់ពីតម្លៃសន្តិភាពនិងភាពនៃអំពើឧទ្ទាមរបស់ក្រុមនោះយ៉ាងច្បាស់ ហើយរួមដំណើរជាមួយរាជរដ្ឋាភិបាលក្រោមការដឹកនាំរបស់សម្តេចតេជោហ៊ុន សែន ដោយមានទំនុកចិត្តខ្ពស់បំផុត ។»
ឯកឧត្តម បានសរសេរបង្ហោះបែបនេះ ចង់បង្ហាញពីក្រុមមនុស្សមួយក្រុមដែលឯកឧត្តមគិតថា កំពុងតែធ្វើសកម្មភាពនយោបាយឧទ្ទាមពីក្រៅប្រទេស ដែលទំនេរពេក អង្គុយរកនឹកនិយាយពីមធ្យោបាយញុះញុង ប្រៀបដូចសំឡេងមនុស្សទាំងនោះដូចសត្វឆ្កែ ដែលចេះតែព្រុស តែវាគ្មានប៉ះពាល់ធ្វីដល់សកម្មភាពដឹកនាំ និងកសាងអភិវឌ្បន៍ជាតិរបស់រាជរដ្ឋាភិបាលនោះឡើយ៕
