ដឹងតែរបួសច្រើនអ្នក! ករណីគ្រោះថ្នាក់ចរាចរណ៍បើកបរវ៉ាជែងខ្វះការប្រុងប្រយ័ត្ន

ខេត្តបាត់ដំបង៖ បឋម មនុស្សប្រុសស្រីច្រើននាក់រងរបួសធ្ងន់ស្រាល ក្នុងហេតុការណ៍រថយន្ត ២គ្រឿងបើកបុកគ្នាក្នុងដំណើរច្រាសទិស កាលពីព្រឹកថ្ងៃទី១២ ខែកញ្ញា ឆ្នាំ២០២០ នៅចំណុចភូមិកាច់រទេះ ឃុំកំពង់ព្រៀង ស្រុកសង្កែ ខេត្តបាត់ដំបង ។

រថយន្តបង្កម៉ាកហុីយ៉ាន់ដាយ ជាប្រភេទរថយន្តស្ទូច ពណ៌ស ពាក់​ស្លាក​លេខ​ ភ្នំពេញ​ 2AT-1196 បើកបរនិងអ្នករួមដំណើរសរុប ៤នាក់ បើកមកពីត្បូងទៅជើង ដល់ចំណុចកើតហេតុក៏បានវ៉ាជែងរថយន្តខាងមុខខ្វះការប្រុងប្រយ័ត្ន ហើយក៏ជ្រុលទៅបុកពីមុខរថយន្ត ទ្រុងដឹកទំនិញ ពណ៌ខៀវ ពាក់ស្លាកលេខ ព្រះសីហនុ 3A-0939 ដែលកំពុងបើកច្រាសទិសគ្នា ដែលបើកបរដោយឈ្មោះ ហ៊ុន ជិញ ភេទប្រុស​ អាយុ​២៧ឆ្នាំ និងអ្នករួមដំណើរជាប្រពន្ធឈ្មោះ គន ភិម អាយុ២២ឆ្នាំ ទាំងពីរនាក់រស់នៅខេត្តពោធិ៍សាត់ បណ្តាលឲ្យគាបជាប់ក្នុងកាប៊ីនរថយន្តរងរបួសធ្ងន់ ៕