គ្រួសារក្រីក្រចំនួន ៤៦គ្រួសារ ក្នុងភូមិទាំង៨ បានទទួលស្បៀងពីរដ្ឋបាលសង្កាត់ស្លក្រាម ដោយប្រើប្រាស់មូលនិធិសង្កាត់
ខេត្តសៀមរាប៖ រសៀលថ្ងៃទី១៥ ខែកញ្ញា ឆ្មាំ២០២០ នៅសាលាសង្កាត់ស្លក្រាម បានរៀបចំផ្ដល់ស្បៀងដល់គ្រួសារក្រីក្រចំនួន ៤៦គ្រួសារ ដែលរស់នៅក្នុងភូមិទាំង ៨ក្នុងសង្កាត់ ដោយប្រើប្រាស់មូលនិធិសង្កាត់ ក្នុងគម្រោងសេវាសង្គមជួយដល់គ្រួសារដែលជួបការលំបាកក្នុងជីវភាព ក្នុងដំណាក់កាលនៃការរាតត្បាតនៃជំងឺកូវីដ-១៩។
ដោយក្នុងនោះមួយគ្រួសារទទួលបានអង្ករ ២០គីឡូក្រាម មី ១កេស ទឹកត្រី ៣ដប ទឹកស៊ីអ៊ីវ ១ដប ស្ករស ១គីឡូក្រាម អំបិល ១គីឡូក្រាម ម្សៅស៊ុប ០,៥០គីឡូក្រាម សាប៊ូ ១កញ្ចប់ ត្រីខ ១០កំប៉ុង ទឹកសុទ្ធមួយយួរ និងថវិកា ៤៥០០០រៀល៕
