គួរឲ្យរន្ធត់ គ្រោះថ្នាក់ចរាចរណ៍ ឡានបុកឡានលាន់ដូចរន្ទះ

ខេត្តកំពត៖ មានករណីគ្រោះថ្នាក់ចរាចរណ៍ បានកើតឡើងនៅចន្លោះបង្គោលគីឡូម៉ែត្រ ៥-៦ ស្ថិតក្នុងភូមិត្រពាំងសង្កែ ឃុំត្រពាំងសង្កែ ស្រុកទឹកឈូ ខេត្តកំពត ដែលគ្រោះថ្នាក់ចរាចរណ៍រវាងរថយន្តពីរគ្រឿងបុកគ្នា ក្នុងទិសដៅផ្ទុយគ្នា កាលពីវេលាម៉ោង ១១និង០០នាទីថ្ងៃទី១៨ ខែកញ្ញា ឆ្នាំ២០២០ ។

រថយន្តមួយគ្រឿងម៉ាកហ៊ីយ៉ាន់ដាយ ពណ៌ស ពាក់ផ្លាកលេខ កណ្ដាល 3A-1574 ធ្វើដំណើរពីលិចទៅកើត បើកបរដោយឈ្មោះ ម៉ុក ស្រស់ ភេទប្រុស អាយុ ២៤ឆ្នាំ រស់នៅភូមិរៀល ឃុំពោធិ៍រៀលធំបសេដ្ឋ ខេត្តកំពង់ស្ពឺ (រត់គេចខ្លួនបាត់)។ ចំណែករថយន្តមួយគ្រឿងទៀត ម៉ាកលុចស៊ីស 570 ពណ៌ស ពាក់ផ្លាកលេខ កម្ពុជា 1DARA-67 មានទិសដៅពីកើតទៅលិច បើកបរដោយឈ្មោះ វ៉ាត គឹមហ៊ាង ភេទប្រុស អាយុ៤០ឆ្នាំ រស់នៅភូមិច្បារអំពៅ សង្កាត់ច្បារអំពៅ រាជធានីភ្នំពេញ ពុំមានរងរបួសទេ តែរថយន្តខូចខាតធ្ងន់។

សមត្ថកិច្ច ចុះវាស់វែង យកវត្ថុតាងទាំងពីរ ទៅរក្សាទុកក្នុងអធិការដ្ឋាននគរបាល ស្រុកទឹកឈូ ដើម្បីរង់ចាំធ្វើការដោះស្រាយតាមនិតីវិធី៕