ផ្លូវចំនួន ៣៨ខ្សែ នៅក្រុងសៀមរាប ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន ដឹកនាំគណៈប្រតិភូអន្តរក្រសួង ថ្នាក់ដឹកនាំខេត្ត បានចុះសិក្សា ពិនិត្យស្ថានភាពផ្លូវ

ខេត្តសៀមរាប៖ ក្រុមការងាររបស់គណៈកម្មការអន្តរក្រសួងដឹកនាំដោយឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន និងគណ:ប្រតិភូអន្តរក្រសួងអមដំណើរ ថ្នាក់ដឹកនាំខេត្ត បានចុះសិក្សា ពិនិត្យស្ថានភាពផ្លូវ និងអនុវត្តគម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខ្សែ នៅក្រុងសៀមរាប ខេត្តសៀមរាប ដែលការអនុវត្តគម្រោងនេះ គឺជាផែនការរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានប្រកាសផ្តល់ថវិកា១៥០លានដុល្លារ សម្រាប់ស្ថាបនាផ្លូវចំនួន ៣៨ខ្សែ។