រថយន្ត HILUX VIGO ពន្លះបង្គោលភ្លើងថ្មបាក់១ដើម អ្នកបើកបររងរបួសបែកក្បាល

ភ្នំពេញ៖ បុរសជនជាតិចិនសង្ស័យងងុយដេកបើករថយន្តមួយគ្រឿងបោះពួយយ៉ាងលឿនជ្រុលទៅបុកបង្គោលភ្លើងថ្មបាក់១ដើមរថយន្តរងការខូចខាតស្ទើរទាំងស្រុង។ហេតុការណ៏នេះកើតឡើងកាលវេលាម៉ោង២និង៤០នាទីយប់រំលងអធ្រាត្រឈានចូលថ្ងៃសៅរ៏ ទី២ ខែមករាឆ្នាំ២០២១។
ស្ថិតតាមបណ្ដោយផ្លូវសហពន្ធ័រុស្សីចំណុចមុខផ្សារបាយ័ន សង្កាត់មនោរម្យ ខណ្ឌ៧មករា រាជធានីភ្នំពេញ។

យោងតាមប្រភពពីកន្លែងកើតហេតុបានឲ្យដឹងថាមុនពេលកើតហេតុគេឃើញបុរសជនជាតិចិនម្នាក់បើករថយន្តម៉ាកHILUX VIGOពណ៌ខ្មៅ ពាក់ស្លាកលេខភ្នំពេញ2I.3063 ធ្វើដំណើរតាមបណ្តោយផ្លូវសហព័ន្ធរុស្សុីពីលិចទៅកើតក្នុងល្បឿនលឿន ខណៈមកដល់ចំណុចកើតហេតុខាងលើសង្ស័យងងុយដេកជ្រុលទៅបុកបង្គោលភ្លើងថ្មពេញទំហឹងបណ្ដាលបោកផ្ទប់និងបង្គោលភ្លើងថ្ម បាក់សង្កត់ពីលើរថយន្ត រងរបួសអ្នកបើក បែកក្បាលឈាមស្រោចពេញខ្លួន។ចំណែក រថយន្តស្ទើរដាច់ជាពីររងការខូចខាតយ៉ាងដំណំ។

ក្រោយកើតហេតុសមត្ថកិច្ចមូលដ្ឋានសហការជាមួយជំនាញក្រុងវាស់វែងស្ទូចរថយន្តបង្កយកទៅរក្សាទុករងចាំដោះស្រាយតាមផ្លូវច្បាប់៕ អរគុណសន្តិភាព