ទីបំផុតជនសង្ស័យជាឃាតករ ត្រូវបានកម្លាំងសមត្ថកិច្ចបាញ់ស្លាប់ ខណៈកំពុងរៀបឆ្លងដែនប៉ះជាមួយសមត្ថកិច្ច

នាព្រលប់ថ្ងៃទី១៥ ខែមករា ឆ្នាំ២០២១នេះបានទទួលព័ត៌មានច្បាស់ការ ពីកម្លាំងនាយកដ្ឋានព្រហ្មទណ្ឌក្រសួងមហាផ្ទៃថា ជនសង្ស័យដែលជាអ្នកបាញ់សម្លាប់លោកវរសេនីយ៍ឯក រ៉េត ស៊ីណែត នាយរងការិយាល័យព្រហ្មទណ្ឌកម្រិតស្រាល នៃស្នងការរដ្ឋាននគរបាលរាជធានីភ្នំពេញ ត្រូវបានកម្លាំងនាយកដ្ឋាន បាញ់ស្លាប់ហើយ នៅក្បែរអូរមួយកន្លែងជើងភ្នំកន្តៀរ ខេត្តក្រចេះ ខណៈជនសង្ស័យរៀបឆ្លងព្រំដែនបម្រុងគេចខ្លួនទៀត​ ហើយបានប៉ះជាមួយកម្លាំងសមត្ថកិច្ច ជនសង្ស័យបានបាញ់រះមកលើកងកម្លាំងអស់ចំនួន ១បង់ ទេីបកម្លាំងបាញ់តបវិញ បណ្ដាលឲ្យស្លាប់តែម្ដង ។

ជនសង្ស័យខាងលើមានឈ្មោះ អ៊ា ណារ៉េន អាយុ៣៩ឆ្នាំ ធ្លាប់ជាប់ពន្ធនាគារ​១៥ឆ្នាំ ពាក់ព័ន្ធនិងករណីបាញ់ប្លន់យកទូរស័ព្ទ៩២០០ បណ្តាលឲ្យជនរងគ្រោះស្លាប់ កាលពីកំឡុងឆ្នាំង២០០៣ ទើបនឹងចេញពី​គុកក្នុងឆ្នាំ២០១៨ហើយ នៅយប់ថ្ងៃទី២៩ ឈានចូលថ្ងៃទី៣០ ខែធ្នូ ឆ្នាំ២០២០ ជនសង្ស័យបានបាញ់សម្លាញ់លោក រ៉េត ស៊ីណែត នៅមុខប្រលានយន្តហោះពោធិ៍ចិនតុង ស្ថិតក្នុងសង្កាត់កាកាបទី២ ខណ្ឌពោធិ៍សែនជ័យ ផ្តើមចេញពីគ្រោះថ្នាក់ចរាចរណ៍បន្តិចបន្តួច​ ៕