ក្រសួងសុខាភិបាលប្រកាសពីការរកឃើញករណីវិជ្ជមានវីរុសកូវីដ-១៩ ថ្មី ចំនួន ៣នាក់ និងមានអ្នកជាសះស្បេីយចំនួន ១នាក់
គិតត្រឹមម៉ោង ៧.០០នាទីព្រឹកថ្ងៃទី៥ ខែកុម្ភ: ឆ្នាំ២០២១ ក្រសួងសុខាភិបាលប្រកាសពីការរកឃើញករណីវិជ្ជមានវីរុសកូវីដ-១៩ ថ្មី ៣នាក់ (ជនជាតិឥណ្ឌូណេស៊ី ២នាក់ និងជនជាតិខ្មែរ ១នាក់) និងមានជាសះស្បើយ ១នាក់ (ខេត្តបន្ទាយមានជ័យ) ដូច្នេះចំនួនករណីជំងឺកូវីដ-១៩សរុបកើន ៤៧០នាក់ ចំនួនសំរាកពេទ្យនៅសល់ ១៨នាក់ និងចំនួនជាសះស្បើយសរុបកើន ៤៥២នាក់ និងស្លាប់គ្មាន ។
ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសយើងកំពុងរាត្បាតក្នុងសហគមន៍ និងប្រទេសជិតខាងយើងនិងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ និងត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា ហើយត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ។
សូមបញ្ជាក់ថា ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី២៧ ខែមករា ឆ្នាំ២០២០ នាយកដ្ឋានប្រយុទ្ធនឹងជម្ងឺឆ្លងនៃក្រសួងសុខាភិបាលយើង សហការជាមួយវិទ្យស្ថាន ប៉ាស្ទ័របានធ្វើតេស្តចំនួន ៤១២៨១៦ ស្មើនឹង ២៤៥៧២ ក្នុង១លាននាក់ ព័ត៌មានបន្ថែមសូមទាក់ទងលេខ 115 ។
