ឯកឧត្តម ហ៊ុន ជា ៖”កុំអោយរាស្រ្តគិតថា ច្បាប់លំអៀង ហើយច្បាប់អនុវត្ត គឺមានសំរាប់អ្នកក្រ និងអ្នកមាន”

កែប្រែចុងក្រោយ ថ្ងៃទី 12 ខែ កុម្ភៈ ឆ្នាំ 2021

ឯកឧត្តម ហ៊ុន ជា នៅវេលាម៉ោង១១និង៤៥នាទីព្រឹក ថ្ងៃទី១២ ខែកុម្ភៈ ឆ្នាំ២០២១នេះ បានសរសេរស្នើរសុំយ៉ាងទទូចទៅក្រសួងពាក់ព័ន្ធមាន៖ ក្រសួងព័ត៍មាន ក្រសួងវប្បធម៍ និងវិចិត្រសិល្បៈ ក្រសួងធម្មការ និងសាសនា និងក្រសួងអប់រំ យុវជន និងកីឡា សូមមេត្តាត្រួតពិនិត្យឡើងវិញនូវកំហុសឆ្គងដែលមានចេតនាគ្រោងទុកនេះឡើងវិញ ពោលគឺកុំអោយរាស្រ្តគិតថា ច្បាប់លំអៀង ហើយច្បាប់អនុវត្ត គឺមានសំរាប់អ្នកក្រ និងអ្នកមាន ក្នុងន័យខាងក្រោមនេះលោកចង់មានន័យថា៖
“មិនថាខមិន រឺឆាតមកផ្ទាល់ដល់រូបខ្ញុំ គឺសឹងតែ 99% ដែលចង់អោយមានភាពស្មើគ្នាចំពោះមុខច្បាប់ ហើយមិនមែន ដុតអោយខ្លោច រោលអោយឆៅនោះទេ គ្រាន់តែចង់អោយមានយុត្តិធម៍ដល់ខ្មែរគ្រប់គ្នា។

ក្នុងនាមខ្ញុំក៏ជាប្រជាជនខ្មែរមួយរូបដែរ សុំសំណូមពរ និងសង្ឃឹមយ៉ាងមុតមាំថាក្រសួងដែលមានសមត្ថភាពពាក់ព័ន្ធក្នុងរឿង”ទុំទាវ2021″ ដែលអាចមាន :

1. ក្រសួងព័ត៍មាន

2. ក្រសួងវប្បធម៍ និងវិចិត្រសិល្បៈ

3. ក្រសួងធម្មការ និងសាសនា

4. ក្រសួងអប់រំ

មេត្តាត្រួតពិនិត្យឡើងវិញនូវកំហុសឆ្គងដែលមានចេតនាគ្រោងទុកនេះឡើងវិញ ពោលគឺកុំអោយរាស្រ្តគិតថា ច្បាប់លំអៀង ហើយច្បាប់អនុវត្ត គឺមានសំរាប់អ្នកក្រ និងអ្នកមាន។

មន្រ្ដីធ្វើ រាស្រ្តរងចាំមើល