ចាប់បានហើយ! ឈាមស្រែកស្បែកហៅ ជនសង្ស័យជាឃាតក ហ៊ានផ្លោះរបងចូលកាប់ជនរងគ្រោះដល់ក្នុងផ្ទះ បណ្តាលឱ្យស្លាប់ម្នាក់ និងរងរបួសធ្ងន់ ២នាក់

ភ្នំពេញ៖ ក្រោយពីមានករណីហិង្សាមួយដោយយុវជនមួយក្រុមមានគ្នា ៦នាក់ ដកកាំបិត និងដាវ ចូលកាប់​យុវជនមួយក្រុមទៀតដែលកំពុងអង្គុយផឹកស៊ីក្នុងផ្ទះ បណ្ដាលឲ្យយុវជនម្នាក់ស្លាប់និង ២នាក់ទៀតរងរបួសធ្ងន់ នៅវេលាម៉ោង ២២នឹង០០នាទី ថ្ងៃទី២១ ខែកុម្ភៈ ឆ្នាំ២០២១ នៅចំណុចផ្លូវលំ ក្រុម១៩ ភូមិខ្ទរ សង្កាត់​ព្រែកលៀប ខណ្ឌជ្រោយចង្វារ រាជធានីភ្នំពេញ។

សមត្ថកិច្ចបានឲ្យដឹងថា ជនរងគ្រោះទី១មានឈ្មោះ សែម ហេង (របួសធ្ងន់) ភេទប្រុស អាយុ២៣ឆ្នាំ មុខរបររត់តុ មានទីលំនៅបច្ចុប្បន្នភូមិខ្ទរ សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ កំពុងសម្រាក​ព្យាបាលនៅមន្ទីរពេទ្យកាល់ម៉ែត ជនរងគ្រោះទី២ ឈ្មោះ ចឹប ចាន់ឌីន (របួសស្រាល) ភេទប្រុស អាយុ២៨ឆ្នាំ មុខរបរធ្វើការក្នុងហាងអ៊ីនធឺណិត មានទីលំនៅបច្ចុប្បន្នភូមិខ្ទរ សង្កាត់ព្រែកលៀប ខណ្ឌជ្រោយចង្វា រាជធានី​ភ្នំពេញ កំពុងសម្រាកព្យាបាលនៅមន្ទីរពេទ្យកាល់ម៉ែត និងទី៣ ឈ្មោះ លី តុ (ស្លាប់ ពេលបញ្ជូនទៅមន្ទីរពេទ្យ)​ភេទប្រុស អាយុ២២ឆ្នាំ មុខរបរជាងពិដាន មានទីលំនៅបច្ចុប្បន្នភូមិស្កូវ ឃុំប្រាសាទ ស្រុកកំពង់ត្របែក ខេត្តព្រៃវែង សពត្រូវក្រុមគ្រួសារយកទៅធ្វើបុណ្យតាមប្រពៃណី។

រហូតដល់វេលាម៉ោង២៣.៤០នាទី ថ្ងៃខែឆ្នាំដដែល នៅចំណុចរោងកម្មករស្នាក់នៅរបស់បុរីភ្នំពេញផាក ជាប់ផ្លូវជាតិលេខ៦អា ភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ កម្លាំងអាវុធហត្ថ ខណ្ឌជ្រោយចង្វា បានសហការណ៏ជាមួយកម្លាំង អាវុធហត្ថរាជធានីភ្នំពេញ​បានធ្វើការចាប់​បានជន​សង្ស័យ​ចំនួន ៣នាក់ ក្នុងចំនោមបក្សពួកចំនួន ៦នាក់ ដែលធ្វើសកម្មភាពវាយកាប់គ្នា។

ជនសង្ស័យដែលឃាត់ខ្លួនបាន ៣នាក់ មានឈ្មោះ៖

-ទី១ រុន សុភ័ក្រ (ជនដៃដល់) ភេទប្រុស អាយុ១៨ឆ្នាំ មុខរបរជាសំណង់ ទីលំនៅបច្ចុប្បន្នភូមិត្រពាំងខ្នារ ឃុំស្វាយលើ ស្រុកស្វាយលើ ខេត្តសៀមរាប

-ទី២ ឈ្មោះ ពេជ្រ ប៉ី (ជនដៃដល់)ភេទប្រុស អាយុ១៧ឆ្នាំ មុខរបរជាងសំណង់ ទីលំនៅបច្ចុប្បន្នភូមិតាយេក ឃុំតាយេក ស្រុកដំដែក ខេត្តសៀមរាប។និង

-ទី៣ ឈ្មោះ វាន់ ឌឿន (សង្ស័យពាក់ព័ន្ធ)ភេទប្រុស អាយុ៣០ឆ្នាំ មុខរបរជាងសំណង់ ទីលំនៅបច្ចុប្បន្ន​ភូមិខ្ជាយ ឃុំតំបែ៑ល ស្រុកតំបែ៑ល ខេត្តត្បូងឃ្មុំ។

សមត្ថកិច្ចបានរកឃើញវត្ថុតាងចាប់យកបានរួមមាន ម៉ូតូហុងដាសេ១២៥ ពណ៌ខ្មៅមួយគ្រឿង គ្មានស្លាកលេខ ម៉ូតូហុងដាសង់ប៊ិច ពណ៌ខ្មៅ ពាក់ស្លាកលេខ ភ្នំពេញ 1BW.5444 ដាវចំនួន ១ដើម និងទូរស័ព្ទចំនួន ២គ្រឿង​។

បច្ចុប្បន្នជនសង្ស័យនិងវត្ថុតាងត្រូវបានបញ្ជូនទៅការិយាល័យព្រហ្មទណ្ឌនៃកងរាជអាវុធហត្ថរាជធានីភ្នំពេញ ចំណែកបក្ខពួក៤នាក់ទៀត ដែលរត់គេចខ្លួនមានមានឈ្មោះ

១ ឈ្មោះ រ៉ា ភេទប្រុស

២ ឈ្មោះ មិត្ត ហៅអាបង ភេទប្រុស

៣ ឈ្មោះ រិទ្ធ ភេទប្រុស

៤ ឈ្មោះ ក្រឹម ភេទប្រុស

បច្ចុប្បន្នជនសង្ស័យទាំង ៤នាក់ខាងលើ ដែលកំពុងរត់គេច គឺកម្លាំងសមត្ថកិច្ចកំពុងតាមស្វែង​រកចាប់ខ្លួន​បន្តទៀតដើម្បីនាំខ្លួនមកផ្ដន្ទាទោសតាមច្បាប់៕ ដោយ១៩