មនុស្ស ចំនួន៤០នាក់ ត្រូវបានរកឃើញថាអ្នកឆ្លង កូវីដ១៩ ថ្មី ក្នុងនោះ៣៨នាក់ ជាករណីឆ្លង សហគមន៍ក្នុង «ព្រឹត្តិការណ៍ ២០កុម្ភៈ»
ភ្នំពេញ៖ ក្រសួងសុខាភិបាល គិតត្រឹមម៉ោង៧.០០នាទីព្រឹក ថ្ងៃទី២៤ ខែកុម្ភ: ឆ្នាំ២០២១នេះ បានចេញសេចក្តីប្រកាសព័ត៌មាន ស្តីពីការរកឃើញអ្នកឆ្លងជំងឺកូវីដ១៩ ចំនួន ៤០នាក់ថ្មីទៀត ដែលក្នុងនោះមាន ៣៨នាក់ ជាករណីឆ្លងសហគមន៍ក្នុង «ព្រឹត្តិការណ៍២០កុម្ភៈ» នៅភ្នំពេញនិងខេត្តកណ្តាល និងក្រុងព្រះសីហនុ ២នាក់ និង ២នាក់ជាករណីនាំចូលពីក្រៅប្រទេស និងមានជាសះស្បេីយ ១នាក់ ។
ដូច្នេះចំនួនករណីជំងឺកូវីដ-១៩ សរុបកេីន ៦៣៣នាក់ ចំនួនសំរាកពេទ្យកេីន ១៥៧នាក់ និងចំនួនជាសះស្បេីយសរុបកេីន ៤៧៦នាក់ និងស្លាប់គ្មាន ។
សូមបងប្អូនបន្តប្រុងប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបេីមិនចាំបាច់ ព្រោះប្រទេសយេីងកំពុងរាត្បាតក្នុងសហគមន៍ និងប្រទេសជិតខាងយេីង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡេីយ ត្រូវបន្តគម្លាតបុគ្គលបន្តទៀត ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នា និងត្រូវបន្តពាក់ម៉ាស់ជាប់ជានិច្ច និងឧស្សាហ៍លាងដៃជាមួយសាប៊ូ អាល់កុល ឬជែល ។
ក្រសួងសុខាភិបាលយេីង បានសហការជាមួយនាយកដ្ឋាន (CDC)ធ្វេីតេស្តចំនួន ៤៦៤៤៨០ ស្មេីនឹង ២៧៦៤៧ ក្នុង១លាននាក់ ព័ត៌មានបន្ថែមសូមទាក់ទងលេខ 115 ។
