សូមប្រុងប្រយ័ត្ន! ! រកឃើញ ២ នាក់ទៀតហើយឆ្លងកូវីដ-១៩ ល្ងាចនេះ ស្នាក់នៅបុរីប៉េងហួត ៦០ ម៉ែត្រ
នៅល្ងាចថ្ងៃទី ២៥ ខែកុម្ភៈ ឆ្នាំ ២០២១ នេះ ក្រុមគ្រូពេទ្យមន្ទីរសុខាភិបាលរាជធានីភ្នំពេញ បានចុះទៅយកអ្នកជំងឺកូវីដ-១៩ ជាជនជាតិចិនប្រុសស្រីចំនួន ២ នាក់ នៅចំណុចផ្ទះលេខ ២០ ផ្លូវលេខ ២ ស្ថិតក្នុងបុរីប៉េងហួត ផ្លូវ ៦០ ម៉ែត្រ ភូមិទួលរកា ៣ សង្កាត់ចាក់អង្រែក្រោម ខណ្ឌមានជ័យ បានបញ្ជូនទៅមណ្ឌលចត្តាឡីស័កព្រែកព្នៅ រាជធានីភ្នំពេញ ។
ទន្ទឹមនឹងនោះ តាមរយៈប្រភពព័ត៌មានបានឱ្យដឹងថា អ្នកឆ្លងបុរសមានអាយុ ៤០ ឆ្នាំ និង ស្រ្តីដែលឆ្លង មានអាយុ ១៩ ឆ្នាំ ។ យ៉ាងណាមិញ នេះគ្រាន់តែជាព័ត៌មានបឋម បើមានព័ត៌មានលម្អិត យើងខ្ញុំនឹងជម្រាបជូននៅពេលក្រោយ ៕By.កម្ពុជាថ្មី
