អធិការដ្ឋាននគរបាលខណ្ឌឫស្សីកែវ ឃាត់ខ្លួនបានចោរលួចកង់បីឥណ្ឌាម្នាក់ក្នុងចំណោម២នាក់
ភ្នំពេញ៖ អធិការដ្ឋាននគរបាលខណ្ឌឫស្សីកែវបង្ក្រាបជាក់ស្តែងករណីលួចកង់បីឥណ្ឌា នៅថ្ងៃទី១៨ ខែកុម្ភៈ ឆ្នាំ២០២១ វេលាម៉ោង០៤និង០០នាទី នៅចំណុចផ្ទះលេខ៩៥ឃ ផ្លូវលំ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ជនរងគ្រោះមានឈ្មោះ ស៊ុន នាង ភេទប្រុស អាយុ៥៤ឆ្នាំ មុខរបររត់កង់បី មានទីលំនៅកន្លែងកេីតហេតុ
ចំណែកជនសង្ស័យទី១ឈ្មោះ ធី ណារ៉ុង ភេទប្រុស អាយុ៣៥ឆ្នាំ មុខរបរមិនពិតប្រាកដ មានទីលំនៅផ្ទះជួល សង្កាត់ព្រែកប្រា ខណ្ឌច្បារអំពៅ (មានសារធាតុញៀន) និងជនសង្ស័យទី២ឈ្មោះ ហេង ភេទប្រុស អាយុប្រហែល៣២ឆ្នាំ មានទីលំនៅផ្ទះជួល ម្តុំកាសា សង្កាត់វត្តភ្នំ ខណ្ឌដូនពេញ (គេចខ្លួន)
សំភារៈដកហូតបានរួមមាន ៖ សោរលេខប្រាំបី ចំនួន១ ដែកសំប៉ែតកែច្នែសម្រាប់កាច់សោរកម៉ូតូ ចំនួន១
កង់បីឥណ្ឌាមួយគ្រឿងម៉ាក BAJAJ 3W RE 4S LPG ពណ៍លឿង សេរីឆ្នាំ២០១៨ ពាក់ស្លាកលេខ ភ្នំពេញ ១HD-៥៨៨៧ ។
នៅថ្ងៃកេីតហេតុខាងលេី ជនរងគ្រោះបានចតកង់បីឥណ្ឌានៅមុខផ្ទះត្រូវបានជនសង្ស័យធ្វេីសកម្មភាពលួចបានសម្រេច ក្រោយពេលកេីតហេតុជនរងគ្រោះបានមកដាក់ពាក្យបណ្តឹង ភ្លាមៗនោះសមត្ថកិច្ចបានចុះទៅដល់កន្លែងកេីតហេតុបេីកការស្រាវជ្រាវកំណត់បានអត្តសញ្ញាណជនសង្ស័យឈានដល់ឃាត់ខ្លួនជនសង្ស័យបានម្នាក់ រួមនឹងវត្ថុតាង នៅថ្ងៃទី២៨ ខែកុម្ភៈ ឆ្នាំ២០២១ វេលាម៉ោង ១៣និង៣០នាទី នៅចំណុចមន្ទេីរពេទ្យព្រះកេតុុមាលា ផ្លូវ៤៧ សង្កាត់វត្តភ្នំ ខណ្ឌដូនពេញ រាជធានីភ្នំពេញ នាំមកកាន់ប៉ុស្តិ៍ឫស្សីកែវតែម្តង។
ចំពោះមុខផ្នែកជំនាញខណ្ឌប៉ុស្តិ៍កំពុងសាកសួរយកចម្លេីយ កសាងសំណុំរឿងបញ្ចូនទៅសាលាដំបូងរាជធានីភ្នំពេញដេីម្បីអនុវត្តន៍តាមនីតិវិធី ចំពោះម៉ូតូកង់បីបានប្រគល់ឲ្យទៅម្ចាស់ដើមវិញ៕
