សម្ដេចប្រមុខរដ្ឋស្ដីទី សម្រេចបញ្ចប់តំណែង លោក ព្រំ សាន ពីទីប្រឹក្សាក្រសួងព័ត៌មាន

ភ្នំពេញ៖ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៅថ្ងៃទី១៣ ខែមីនា ឆ្នាំ២០២១នេះ បានចេញ​ព្រះរាជក្រឹត្យ​បញ្ចប់មុខតំណែង លោក ព្រំ សាន ពីទីប្រឹក្សាក្រសួងព័ត៌មាន មានឋានៈស្មើអនុរដ្ឋលេខាធិការ។

កាលពីម្សិលមិញ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ក៏បានសម្រេចលុប​អាជ្ញាប័ណ្ណសារព័ត៌មាន​របស់​លោក ព្រំ សាន ផងដែរ។ លោករដ្ឋមន្ត្រីក្រសួងព័ត៌មាន ថ្លែងថា ការសម្រេចលុប «សមាគមអ្នកព័ត៌មានហ្វេសប៊ុកកម្ពុជា» នេះ គឺ ដោយសារសមាគម នេះ បានផ្សព្វផ្សាយព័ត៌មាន បំភ្លៃការពិត បង្កភាពច្របូកច្របល់ ចលាចលនៅក្នុងសង្គម ដែលអាចធ្វើឲ្យប៉ះពាល់ដល់សន្តិសុខជាតិ ដែលជាការបំពានយ៉ាងធ្ងន់ធ្ងរលើវិជ្ជាជីវៈ ច្បាប់នៃព្រះរាជាណាចក្រកម្ពុជា និង កិច្ចសន្យាដែលសាមីខ្លួន បានតម្កល់ទុកនៅក្រសួងព័ត៌មាន»៕