អធិការនគរបាលស្រុកកៀនស្វាយ បានឃាត់អប់រំ និងណែនាំ ឲ្យធ្វើកិច្ចសន្យាចំពោះអ្នកបើកបររថយន្តដែលប្រើប្រាស់ស៊ីផ្លេខ្យល់លាន់ឮកងរំពងរំខានដល់សាលារៀន មន្ទីរពេទ្យ និងប្រជាពលរដ្ឋរស់នៅតាមដងផ្លូវ

ក្រោយពីទទួលបានព៌ត៍មាននេះ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ចាឱ្យលោកអធិការនគរបាលស្រុកកៀនស្វាយ ធ្វើការស្រាវជ្រាវចំពោះករណីខាងលើ។

ជាលទ្ធផល៖

នៅថ្ងៃពុធ ៤កើត ខែចេត្រ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៧ ខែមីនា ឆ្នាំ២០២១ វេលាម៉ោង ១៤:០០នាទី លោកអធិការនគរបាលស្រុកកៀនស្វាយ បានបញ្ជាឱ្យកម្លាំងសណ្តាប់ធ្នាប់ចរាចរណ៍ស្រុក សហការជាមួយកម្លាំងនគរបាលប៉ុស្តិ៍រដ្ឋបាលឈើទាល សរុបចំនួន ៩នាក់ ដឹកនាំដោយលោកវរសេនីយ៍​ទោ ហង្ស ផាណារ៉ា អធិការរងទទួលផែនសណ្តាប់ធ្នាប់ ចុះស្រាវជ្រាវដល់ចំណុចផ្លូវលេខ១១០ ភូមិឈើទាល ឃុំឈើទាល ស្រុកកៀនស្វាយ ខេត្តកណ្តាល បានឃាត់អប់រំ ណែនាំ និងឲ្យធ្វើកិច្ចសន្យាចំពោះអ្នកបើកបររថយន្តដែលប្រើប្រាស់ស៊ីផ្លេខ្យល់លាន់ឮកងរំពងរំខានដល់សាលារៀន មន្ទីរពេទ្យ និងប្រជាពលរដ្ឋរស់នៅតាមដងផ្លូវបានចំនួន ១០គ្រឿង។

អាស្រ័យហេតុនេះ សូមសាធារណជន ដែលប្រើប្រាស់បណ្តាញទំនាក់ទំនងសង្គមមេត្តាជ្រាប៕