ឯកឧត្តម សាយ សំអាល់ អនុប្រធាន តំណាងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជា រាជធានីភ្នំពេញ បានអញ្ជើញទៅទទួល និងប្រគល់ អំណោយចំនួន ១០ ០០០ កញ្ចប់ ដែលជាការឧបត្ថម្ភរបស់ក្រុមហ៊ុន ភេសជ្ជៈកម្ពុជា កូកា កូឡា និងសមាគមកាត់ដេរកម្ពុជា (GMAC)

ភ្នំពេញ៖ នៅព្រឹកថ្ងៃទី០៤ ខែឧសភា ឆ្នាំ២០២១ ឯកឧត្តម សាយ សំអាល់ អនុប្រធាន តំណាងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជា រាជធានី​ភ្នំពេញ បានអញ្ជើញទៅទទួល និងប្រគល់ អំណោយចំនួន ១០ ០០០កញ្ចប់ ដែលជាការឧបត្ថម្ភរបស់ក្រុមហ៊ុន ភេសជ្ជៈកម្ពុជា កូកា កូឡា និងសមាគមកាត់ដេរកម្ពុជា (GMAC) តាមរយៈ ស.ស.យ.ក. ទៅប្រគល់ជូនអាជ្ញាធរខណ្ឌទាំង៥ រួមមាន៖ ខណ្ឌឫស្សីកែវ ខណ្ឌសែនសុខ ខណ្ឌមានជ័យ ខណ្ឌពោធិ៍សែនជ័យ និងខណ្ឌកំបូល សម្រាប់ចែកជូនបងប្អូនកម្មករ កម្មការិនី និងបងប្អូនក្នុងសេដ្ឋកិច្ចក្រៅប្រព័ន្ធ ដែលកំពុងជួបប្រទះការខ្វះខាតក្នុងអំឡុងពេលបិទខ្ទប់។ អំណោយជាស្បៀង និងសំភារៈចាំបាច់ទាំងនោះ រួមមាន អង្ករ មី ត្រីខកំប៉ុង ទឹកត្រី ទឹកស៊ីអីវ​ ភេសជ្ជៈកូកា កូឡា ម៉ាស និងសាប៊ូ ដែលអាចឱ្យបងប្អូនដែលកំពុងមានជីវភាពខ្វះខ្វាតបានសម្រាលទុក្ខលំបាកក្នុងគ្រាអាសន្ននេះ។