រន្ធត់ណាស់!! គ្រោះថ្នាក់ចរាចរណ៍បានឆក់យកជីវិតបុរសម្នាក់បណ្តាលឲ្យស្លាប់បាត់បង់ជីវិតបន្សល់ទុកប្រពន្ធនិងកូនប្រុសបានរងរបួសធ្ងន់បញ្ជូនទៅកាន់មន្ទីរពេទ្យភ្លាម
ភ្នំពេញ៖ គ្រោះថ្នាក់ចរាចរណ៍រវាងរថយន្តជាមួយម៉ូតូបានឆក់យកជីវិតបុរសម្នាក់ទៀត ហើយបង្កអោយមានមនុស្សរងរបួសធ្ងន់០២នាក់ជាអ្នកជិះម៉ូតូជាមួយត្រូវបានបញ្ជូនទៅកាន់មន្ទីរពេទ្យភ្លាមៗ ហើយតាកុងរថយន្តត្រូវបានរត់គេចខ្លួនបាត់កន្លែងកើតហេតុ បង្កឲ្យមានការភ្ងាក់ផ្អើលយ៉ាងខ្លាំងពីបងប្អូនប្រជាពលរដ្ឋនិងសមត្ថកិច្ចមូលដ្ឋាន ដែលស្ថិតនៅតាមបណ្ដោយផ្លូវហាណូយដែលស្ថិតក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ កាលពីម៉ោង០៤និង ២៥នាទី នៅថ្ងៃទី០៩ ខែឧសភា ឆ្នាំ២០២១ ជនរងគ្រោះដែលបានស្លាប់បាត់បង់ជីវិតមានឈ្មោះថាច់ដេរ អាយុ 49 ឆ្នាំ បានស្លាប់បាត់បង់ជីវិតនៃករណីគ្រោះថ្នាក់ចរាចរណ៍ ប្រពន្ធនិងកូនបានរងរបួសធ្ងន់មិនទាន់ស្គាល់ឈ្មោះនិងអត្តសញ្ញាណ។
តាមប្រភពពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញម៉ូតូមួយគ្រឿងពាក់ស្លាកលេខភ្នំពេញ2J-9767 ជិះគ្នា 3 នាក់ធ្វើដំណើរតាមដងផ្លូវហាណូយត្រឡប់មកពីសែនផ្នូរវិញបម្រុងទៅផ្ទះក៏ត្រូវបានរថយន្តមួយគ្រឿងដែលពាក់ស្លាកលេខភ្នំពេញ2K-2400 បើកបរដោយបុរសនាក់បានបើកក្នុងល្បឿនមកបុកពីក្រោយយ៉ាងពេញទំហឹងបង្កឱ្យជនរងគ្រោះម្នាក់ដែលជាអ្នកបើកបរម៉ូតូបានអូសចូលក្រោមរថយន្តបានស្លាប់ប្តីបាត់បង់ជីវិតចំណែកឯម្តាយនិងកូនបានរងរបួសធ្ងន់ត្រូវបានបញ្ជូនទៅកាន់មន្ទីរពេទ្យភ្លាមៗនៅកន្លែងកើតហេតុ ហើយចំណែកឯម្ចាស់រថយន្តដែលបង្កគ្រោះថ្នាក់ចរាចរណ៍បានរត់គេចបាត់ពីទីតាំងកន្លែងកើតហេតុ នៅសល់តែម៉ូតូនិងរថយន្តរបស់ជនរងគ្រោះហើយ។ បង្កឱ្យមានការភ្ញាក់ផ្អើលពីបងប្អូនប្រជាពលរដ្ឋនិងសមត្ថកិច្ចមូលដ្ឋាន បង្កមានការភ្ញាក់ផ្អើលដល់ក្រុមគ្រួសារ សមត្ថកិច្ចជំនាញចរាចរណ៍ជើងគោកបានវាស់វែងហើយប្រគល់សាកសពទៅឲ្យក្រុមគ្រួសារយកទៅធ្វើបុណ្យតាមប្រពៃណី។
ក្រោយពេលកើតហេតុនៃករណីគ្រោះថ្នាក់ចរាចរណ៍នេះសមត្ថកិច្ចជំនាញចរាចរជើងគោកខណ្ឌសែនសុខបានប្រគល់ម៉ូតូនិងរថយន្តយកទៅអោយជំនាញចរាចរក្រុងយកទៅវាស់វែងយកទៅរក្សាទុកនៅការិយាល័យចរាចរណ៍ជើងគោក៕ រាយការដោយ១៩
