វ៉ាក់សាំង Sinovacចំនួន ៦៥ដប ត្រូវបានកងរាជអាវុធហត្ថខេត្តកោះកុងបង្ក្រាប

កោះកុង៖ នៅថ្ងៃទី១៦ ខែមិថុនា ឆ្នាំ២០២១ វេលាម៉ោង ១៦.០០នាទី កម្លាំងការិយាល័យព្រហ្មទណ្ឌខេត្ត សហការជាមួយស្នាក់ការសន្តិសុខចាំយាម ដឹកនាំដោយ លោក វរសេនីយទោ នួន វុត្ថា មេបញ្ជាការរង អាវុធហត្តខេត្តកោះកុង សម្របសម្រួលដោយលោក អេង ចាន់ភារ៉ា ព្រះរាជអាជ្ញារងអមសាលាដំបូងខេត្ត បានចុះបង្ក្រាបជាក់ស្តែងករណីជនជាតិចិន ចុះចែកចាយថ្នាំវ៉ាក់សាំងស៊ីណូវ៉ាក់ (Sinovac) ១លើក នៅចំណុចក្រុមហ៊ុន L.y p group ភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង និងបានឃាត់ខ្លួនជនសង្ស័យ ២នាក់ ភេទប្រុស ៖

១.ឈ្មោះ Li Changqing ភេទប្រុស អាយុ៥៣ឆ្នាំ ជនជាតិចិន ស្នាក់នៅភូមិ ឃុំ កើតហេតុ ។

២.ឈ្មោះ Huang Zhongwer ភេទប្រុស អាយុ៤២ឆ្នាំ ជនជាតិចិន ស្នាក់នៅភូមិ ឃុំ កើតហេតុ និងចាប់យកវត្ថុតាងរួមមាន រថយន្ត ១គ្រឿង ម៉ាកព្រូស ពាក់ស្លាកលេខ 2AW-4072 ពណ៌ប្រផេះ និងថ្នាំវ៉ាក់សាំង Sinovacចំនួន ៦៥ដប ធុងស្នោរក្លាសេថ្នាំចំនួន១ ម្ជុលសារ៊ាំងចំនួន ៤៥ដើម សំឡីអាល់កុល​ជូតដៃ​ចំនួន ១១កញ្ចប់ ស្រោមដៃចំនួន ៣គូរ និងទឹកអាល់កុលចំនួន ៣ដប ។

បច្ចុប្បន្នកម្លាំងជំនាញកំពុងអនុវត្តតាមនីតិវិធី ៕ អរគុណសន្តិភាព