ឯកឧត្តម ឧត្តមសេនីយ៍ឯក ប៉ែន ចាន់ថុល អនុប្រធានបណ្ឌិតសភានគរបាលជាតិ អញ្ជើញសម្ភោធន៍ក្រុមហ៊ុន ហង្ស សុជាតា ផនសប ដើម្បីដាក់ឲ្យបម្រើអតិថិជនរាល់តម្រូវការទាំងខ្នាតតូចនិងធំ សេវាល្អ រហ័សទាន់ចិត្ត ជាមួយនិងឧបសម្ព័ន្ធ២ទៀត
ភ្នំពេញ៖ នៅវេលាព្រឹកថ្ងៃទី១៨ ខែកក្កដា ឆ្នាំ២០២១ ឯកឧត្តម ឧត្តមសេនីយ៍ឯក ប៉ែន ចាន់ថុល អនុប្រធានសភានគរបាលជាតិ បានផ្តល់មហាកិត្តិយសអញ្ចើញជាអធិបតីក្នុងពិធីបើកសម្ពោធដាក់អោយប្រើប្រាស់ជាផ្លូវការនូវ មីក្រូហ្វាយណាន ឈ្មោះថា HSP Finance និង Block Mart និងCrush Coffee ដែលស្ថិតនៅទីតាំងស្ថិតនៅផ្ទះលេខ A15E1 ផ្លូវសន្តិភាព(ទួលពង្រ) ភូមិធម្មត្រៃ សង្កាត់ព្រៃស ខណ្ឌដង្កោ រាជធានីភ្នំពេញ ក្រោមដំបូល ក្រុមហ៊ុន ហង្ស សុជាតា ផនសប ។
ពីធីដ៏អស្ចារ្យដើម្បីបម្រើអតិថិជនផ្នែកហិរញ្ញាវត្ថុកម្ចីឬបញ្ចាំអចលនទ្រព្យតាមតម្រូវការជាក់ស្តែងលើវិស័យវិនិយោគខ្នាតតូច និងខ្នាតធំ ឬក៏ប្រចាំថ្ងៃណាមួយ ជាងនោះទៅទៀតក្នុងការសម្ភោធដាក់អោយបម្រើអតិថិជននេះ ក៏មានផ្សារទំនើបជាលក្ខណៈមីនីម៉ាតដែលមានឈ្មោះថា (Block Mart) អ្វីដែលបងប្អូនក្មួយៗយុវវ័យកំពុងតែពេញនិយមគឺកាហ្វេប្រេនៗ ដែលក្រុមហ៊ុន ហង្ស សុជាតា ផនសប បំបែកជាកូនឧបសម្ព័ន្ធនៃការបម្រើជូនអតិថិជនដែលនិយមចូលចិត្តភេសជ្ជៈបែបកាហ្វេទាន់សម័យ (Crush Coffee) រស់ជាតិលេខមួយលើសពីកាហ្វេប្រេនៗដ៏ទៀតដែលមាននៅក្នុងព្រះរាជចក្រណាកម្ពុជា។
ក្នុងពិធីសម្ភោធនេះដែរ ឯកឧត្តម ឧត្តមសេនីយ៍ឯក ក៏បានលើកឡើងថា ដោយប្រទេសកម្ពុជាមានភាពរីកចម្រើនគួរអោយកត់សម្គាល់គ្រប់វិស័យសេដ្ឋកិច្ចដែលមានរាជរដ្ឋាភិបាលដឹកនាំដោយសម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជណាចក្រកម្ពុជា ហើយម្យ៉ាងវិញទៀតសូម ឯកឧត្តមលោកជំទាវ លោកឧកញ៉ា បងប្អូនយើងត្រូវមានការចូលរួមជាមួយរាជរដ្ឋាភិបាលគោរពតាមការណែនាំរបស់ក្រសួងសុខាភិបាល នូវវិធាន ៣កុំ និង ៣ការពារ ដែលជាអនុសាសន៍ដ៏ថ្លៃថ្លារបស់សម្តេចតេជោ។
ក្នុងពិធីនេះដែរ ក្រុមហ៊ុន ហង្ស សុជាតា ផនសប ក៏បានចុះបញ្ជីជាផ្លូវការតាំងពីថ្ងៃទី០៤ ខែមិនា ឆ្នាំ២០២១ មកម្លេះដោយ លោក ជំទាវ ទួន សេរីលក្ខណា ជាអគ្គនាយិកា ក៏បានប្រាប់អ្នកសារព័ត៌មានទាំងអស់ដែលបានមកចូលរួមក្នុងពិធីនេះថា អ្វីដែលចក្ខុវិស័យរបស់ក្រុមហ៊ុនរបស់លោកជំទាវគឺមានបំណងចូលរួមចំណែកក្នុងការអភិវឌ្ឃសេដ្ឋកិច្ចសង្គម និងជួយបង្កើតការងារដល់ប្រជាពលរដ្ឋមួយចំនួន ក៏ដូចជាចូលរួមជួយផ្តល់នូវទំនុកចិត្តខ្ពស់ ភាពងាយស្រួលបំផុត ជួយសម្រួលដល់អតិថិជននៃយើង ដូចជា ផ្តល់ប្រាក់កម្ចីឬបញ្ចាំអចលនទ្រព្យ ដូចជា ដីធ្លី ផ្ទះវិឡា ខុនដូរ និងសណ្ឋាគារ។ល។
ក្នុងនោះដែរ លោកឧកញ៉ា ហាន់ វុទ្ធី ក៏បានបង្ហាញនូវសេចក្តីរំភើបរីករាយដែលក្រុមហ៊ុន ហង្ស សុជាតា ផនសប បានបើកសម្ភោធជាផ្លូវការ នៅថ្ងៃដ៏វិសេសវិសាលនេះ ហើយសង្ឃឹមថា រាល់អតិថិជន និងទទួលបានសេវាយ៉ាងគាប់ចិត្តពីបុគ្គលិករបស់ក្រុមហ៊ុន ហង្ស សុជាតា ផនសប ជាចុងក្រោយលោកក៏បានប្រសិទ្ធពរជ័យដល់ភ្ញៀវកិត្តិយសដែលបានអញ្ជើញមកចូលរួមក្នុងពិធី និងសូមរក្សាគម្លាតតាមការណែនាំរបស់រាជរដ្ឋាភិបាលនៃព្រះរាជណាចក្រកម្ពុជា គឹ ៣កុំ ៣ការពារ ៕
