សង្ស័យឆ្លងចរន្តភ្លើងបណ្ដាលឲ្យឆាបឆេះជាអណ្តាតភ្លើងសន្ធោសន្ធៅបង្កឲ្យមានការភ្ញាក់ផ្អើលទាំងយប់
ភ្នំពេញ៖ កាលពីវេលាម៉ោង ៩នឹង៥៥នាទីយប់ ថ្ងៃទី២៤ ខែកក្កដា ឆ្នាំ២០២១ មានករណីអគ្គីភ័យមួយបានឆាបឆេះបង្កឲ្យមានការភ្ញាក់ផ្អើលទាំងយប់ដល់បងប្អូនប្រជាពលរដ្ឋព្រមទាំងមន្ត្រីសមត្ថកិច្ចមូលដ្ឋានគ្រប់គ្រងគ្រប់ជាន់ថ្នាក់ចេញឡានអន្តរាគមន៍ទាន់ពេលវេលា ហេតុការណ៍នេះបានកើតឡើងស្ថិតនៅតាមបណ្តោយផ្លូវ២៧១ ក្រុមទី១ ភូមិសន្សំកុសល៥ សង្កាត់បឹងទំពុងទី១ ខណ្ឌមានជ័យ រាជធានីភ្នំពេញ ។
ឃ្លាំងផ្ទុកទំនិញដែលមានម្ចាស់ទីតាំងឈ្មោះ: លោកឧកញ៉ា សូ ងួន ភេទប្រុស អាយុ៥៦ឆ្នាំ
មុខរបរជាម្ចាស់ឃ្លាំង មូលហេតុ: កំពុងបន្តការស្រាវជ្រាវ ។
សម្រាក់ដែលរងការខូចខាតក្នុងករណីអគ្គីភ័យឆាបឆេះនេះរួមមាន ប្រភេទសំណង់ៈ ឃ្លាំងសង់ពីថ្មបេតុងប្រក់សង្ក័សី ទំហំ ៣០ម៉ែត្រ គុណនឹង ៨០ម៉ែត្រ ខូចខាតសំភារៈ ឆេះឃ្លាំងស្តុកទុកទំនិញគ្រប់មុខ ទំហំ ៣០ម៉ែត្រ គុណនឹង ៨០ម៉ែត្រ ចំនួន ១ឃ្លាំង រួមទាំងឆេះទំនិញស្តុកទុកក្នុងឃ្លាំងអស់ទាំងស្រុង នឹងពុំបណ្ដាលអោយឆេះរាលដាលដល់ផ្ទះអ្នកជិតខាងឡើយ ។
ក្នុងហេតុការណ៍នេះប្រើប្រាស់រថយន្តការិយាល័យអគ្គិភ័យ ចំនួន ២១គ្រឿង ប្រេីប្រាស់ទឹកអស់ចំនួន ១២៦រថយន្ត ស្មើនឹង ៨៤៦ម៉ែត្រគូប ។
រថយន្តជំនួយអន្តរាគមន៍មានដូចខាងក្រោម :
-១ រថយន្តអគ្គិភ័យក្រសួងមហាផ្ទៃចំនួន ២គ្រឿង ប្រើប្រាស់ទឹកអស់ចំនួន ៤រថយន្ត ស្មើនឹង ១៦ ម៉ែត្រគូប ។
-២ រថយន្តអគ្គិភ័យក្រុមហ៊ុនOCICទីក្រុងជ្រោយចង្វារចំនួន ៧គ្រឿង ប្រើប្រាស់ទឹកអស់ចំនួន ២១រថយន្ត ស្មើនឹង ១២៦ម៉ែត្រគូប ។
-៣ រថយន្តអគ្គិភ័យទីក្រុងអូឡាំព្យាចំនួន ២គ្រឿង ប្រើប្រាស់ទឹកអស់ចំនួន ២រថយន្ត ស្មើនឹង ៨ម៉ែត្រគូប ។
-៤ រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ១រថយន្ត ប្រើប្រាស់ទឹកអស់ចំនួន ៥រថយន្ត ស្មើនឹង ៣០ម៉ែត្រគូប ។
ពន្លត់ចប់ : នៅម៉ោង ០២:០០ នាទី រំលងអាធ្រាត្រ.នាថ្ងៃ២៥ ខែកក្កដា ឆ្នាំ២០២១។
