នគរបាលឃាត់ខ្លួនយុវជន២នាក់សង្ស័យពាក់ព័ន្ធករណីអំពើលួចមានស្ថានទម្ងន់ទោស(ឆក់ខ្សែក)
ខេត្តកណ្តាល៖ ហេតុការណ៍នេះកើតឡើងនៅថ្ងៃទី៣០ ខែកក្តដា ឆ្នាំ២០២១ វេលាម៉ោង ១៨នឹង២០នាទីនៅចំណុចភូមិឈេីនាង ឃុំគោកត្រប់ ស្រុកកណ្ដាលស្ទឹង ខេត្តកណ្ដាល ជនរងគ្រោះ១នាក់ឈ្មោះ ចាន់ សុីនឿន ភេទស្រី អាយុ៤១ឆ្នាំ មានទីលំនៅភូមិឈេីនាង ឃុំគោកត្រប់ ស្រុកកណ្តាលស្ទឹង ខេត្តកណ្ដាល។ មុខរបរកម្មការិនីរោងចក្រ។
ជនសង្ស័យ២នាក់
១-ឈ្មោះ ធា រស្មី ភេទប្រុស អាយុ២១ឆ្នាំ ជនជាតិខ្មែរ មានទីលំនៅផ្ទះលេខ៣៩ ផ្លូវរថភ្លើង ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។(ឃាត់ខ្លួន)
២.ឈ្មោះ ប៉ែន ណាវិត ភេទប្រុស អាយុ១៩ឆ្នាំ ជនជាតិខ្មែរ មានទីលំនៅផ្លូវរត់ភ្លេីង ភូមិ១៤ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។(ឃាត់ខ្លួន)
វត្ថុតាងចាប់យកម៉ូតូមួយគ្រឿងម៉ាក Honda Scoopy i ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ភ្នំពេញ 1GP-2006 ទូរស័ព្ទដៃម៉ាក Iphone 7plush ពណ៌ខ្មៅ ១គ្រឿង ទូរស័ព្ទដៃម៉ាក់ Iphone 7plush ពណ៌ ទឹកមាស។ សម្ភារៈបាត់បង់រួមមានខ្សែកផ្លាកទីនចំនួន ១ខ្សែ ទំងន់ ៧ជី។
សូមបញ្ចាក់ថា បើយោងតាមសមត្ថកិច្ចឲ្យដឹងនៅថ្ងៃកេីតហេតុខាងលេីី ជនរងគ្រោះនិងប្អូនស្រីឈ្មោះ ចាន់ វណ្ណៈ អាយុ៣៦ឆ្នាំ បានជិះម៉ូតូចេញពីធ្វើការរោងចក្រទឹកថ្លាមកផ្ទះរបស់ខ្លួន ពេលជិះមកដល់កន្លែងកេីតហេតុស្រាប់តែមានជនសង្ស័យចំនួនពីរនាក់ខាងលើជិះម៉ូតូមួយគ្រឿងមកពីក្រោយស្របទិសគ្នាបានធ្វេីសកម្មភាឆក់ខ្សែក ជនរងគ្រោះបានសំរេច រួចជិះគេចខ្លួន តែត្រូវជនរងគ្រោះជិះដេញតាមពីក្រោយហេីយស្រែកថាចោរៗ ភ្លាមនោះកំម្លាំងប្រជាការពារនិងកម្លាំងប៉ុស្តិ៍នគរបាលរដ្ឋបាលឃុំគោកត្រប់បានដេញតាមពីក្រោយ ហើយខណៈពេលនោះ ជនសង្ស័យបានផ្តួលម៉ូតូ រួចរត់គេចខ្លួន តែត្រូវប្រជាការពារនិងកម្លាំងប៉ុស្តិ៍នគរបាលរដ្ឋឃុំគោកត្រប់ ចាប់ឃាត់ខ្លួនជនសង្ស័យទាំងពីរនាក់ខាងលើបាន ហើយបញ្ជូនមកកាន់អធិការដ្ឋាននគរបាលស្រុកកណ្តាលស្ទឹង ដេីម្បីកសាងសំនុំរឿងតាមនីតិវិធីច្បាប់៕
