លោកជំទាវកិត្តិសង្គហបណ្ឌិត ម៉ែន សំអន បានឧបត្ថម្ភដល់ក្រុមគ្រូពេទ្យជួរមុខនៃខេត្តស្វាយរៀង មានវិជ្ជមានកូវីដ១៩ ចំនួន ៦២នាក់

ថ្លែងក្នុងឱកាសនោះ លោកជំទាវក៏បានថ្លែងកោតសសើរ នូវកិច្ចខិតខំប្រឹងប្រែងនិងការលះបង់របស់មន្ត្រីសុខាភិបាលគ្រប់លំដាប់ថ្នាក់ ដោយបានបំពេញការងារយ៉ាងសស្រាក់សស្រាំក្នុងយុទ្ធនាការប្រយុទ្ធប្រឆាំងនឹងជំងឺកូវីដ១៩ ដោយពុំខ្លាចនឿយហត់ ។

លោកជំទាវក៏បានផ្តាំផ្ញើរឲ្យមន្ត្រីសុខាភិបាលទាំងអស់ត្រូវបង្កើននូវការយក ចិត្តទុក្ខដាក់បន្ថែមទៀតលើសុវត្ថិភាព និងការការពារខ្លួនឲ្យមានប្រសិទ្ធិភាពខ្ពស់ ក្នុងអំឡុងពេលព្យបាលអ្នកជំងឺ ។ លោកជំទាវក៏បានថ្លែងអំណរគុណដល់ក្រុមគ្រូពេទ្យស្ម័គ្រចិត្តសម្តេចតេជោ (TYDA) ក្រុមគ្រូពេទ្យស្ម័គ្រចិត្តសម្តេចពិជ័សេនា ទៀ បាញ់ និងក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែល ដែលបានជួយព្យាបាលថែទាំង និង ក៏ដូចជាការចាក់វ៉ាក់សាំងដល់ប្រជាពលរដ្ឋនៅទូទាំងប្រទេសនិយាយជារួម និងនិយាយដោយឡែក នៃខេត្តស្វាយរៀង ។

អំណោយដែលផ្តល់ជូនគ្រូពេទ្យក្នុងម្នាក់ៗទទួលបាន ៖ ថវិកា ១លានរៀល មី ១កេស ទឹកដោះគោឆៅ ១ឡូ ស្ករស ១គីឡូក្រាម ទឹកសុទ្ធ ១កេស ទឹកសម្លាប់មេរោគ ៥លីត្រ សាប៊ូ ៥ដុំ ។

នៅក្នុងថ្ងៃដដែលនោះផងដែរ លោកជំទាវក៏បានបន្តនាំយកស្បៀង និងថវិកាជូនប្រជាពលរដ្ឋ ៧គ្រួសារ ដែលកំពុងចត្តាឡីស័កនៅផ្ទះ ដោយក្នុង ១គ្រួសារទទួលបាន ៖ ថវិកា ១២ម៉ឺនរៀល អង្ករ ២០គីឡូក្រាម មី ១កេស ទឹកត្រី ១យួរ ម៉ាស់ ២ប្រអប់ ទឹកដោះគោ ៣កំប៉ុង សាប៊ូ ៤ដុំ និង នំ ១យួរ ៕