ខេត្តបន្ទាយមានជ័យបើកយុទ្ធនាការចាក់វ៉ាក់សាំងប្រឆាំងកូវីដ.១៩ ដល់ក្មេងចាប់ពីអាយុ១២ឆ្នាំមដល់ ១៧ឆ្នាំ
ខេត្តបន្ទាយមានជ័យ៖ ព្រឹកថ្ងៃទី២៣ សីហា ២០២១ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្ត លោក ហ៊ឹល រ៉ាយ៉ា អភិបាលលក្រុងសិរីសោភ័ណ បានអញ្ចើញចបើកការចាក់ វ៉ាក់សាំងជូនកុមារនិងយុវវ័យអាយុចាប់ពីអាយុ១២ឆ្នាំដល់ក្រោម១៨ឆ្នាំ នៅក្នុងបរិវេណមណ្ឌលសុខភាពអូរអំបិល ស្ថិតនៅភូមិ អូរអំបិល សង្កាត់ ក្រុងសិរីសោភ័ណ ខេត្តបន្ទាយមានជ័យ។
លោក វិជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលបានអះអាងថា៖ មន្ត្រីប្រចាំការចាក់វ៉ាក់សាំងកូវីដ.១៩ បានបើកយុទ្ធនាការចាក់វ៉ាក់សាំងកូវីដ.១៩ ដល់ក្មេងចាប់ពីអាយុ១២ឆ្នាំដល់ ១៨ឆ្នាំ ព្រោះជម្ងឺ Delta កំពុងរាតត្បាតក្នុងសហគមន៍យ៉ាងខ្លាំងហើយវ៉ាក់សាំងដែលចាក់ជូនកុមារអាយុពី១២ឆ្នាំ ទៅក្រោម ១៨ឆ្នាំ នេះគឺជាវ៉ាក់សាំងស៊ីណូវ៉ាក់របស់សាធារណរដ្ឋចិន ដែលកម្ពុជាកំពុងប្រើប្រាស់គឺមានប្រសិទ្ធភាពសឹងតែ ១០០ភាគរយ លើកុមារហើយការចាក់ថ្នាំនេះដែរមានរយៈពេល ១២ថ្ងៃ ចាប់ចាក់ ពីថ្ងៃទី២៣ ខែ សីហា ឆ្នាំ២០២១ ដល់ថ្ងៃទី៤ ខែកញ្ញា ឆ្នាំ២០២១ចាក់នៅតាមមណ្ឌលសុខភាពនៅជិតផ្ទះរបស់លោកអ្នក។
លោកវេជ្ជបណ្ឌិត ឡេ ច័ន្ទសង្វាត បានប្រាប់អ្នកយកព័ត៌មានឲ្យដឹងថា៖ ចំពោះវ៉ាក់សាំងស៊ីណូវ៉ាក់ដែលជ្រើសរើសយកមកចាក់ជូនកុមារចាប់ពី ១២ ដល់ក្រោម ១៧ឆ្នាំនេះ គឺមានក្រុមអ្នកបច្ចេកទេសធ្វើការស្រាវជ្រាវយ៉ាងហ្មត់ចត់បង្ហាញថាវ៉ាក់សាំងស៊ីណូវ៉ាក់មានផលរំខាន ឬប៉ះពាល់អីធ្ងន់ធ្ងរទៅដល់សុខភាពកុមារអាយុពី ១២ឆ្នាំដល់ក្រោម ១៧ឆ្នាំឡើយ ផ្ទុយទៅវិញវ៉ាក់សាំងបានផ្ដល់ប្រសិទ្ធភាពខ្ពស់សម្រាប់ក្រុមកុមារចាប់ពីអាយុ១២ឆ្នាំ ដល់ ១៨ឆ្នាំ នេះ ដោយសារវ៉ាក់សាំងនិងមានប្រសិទ្ធភាពរហូតដល់ ៩៨ ភាគរយឯណោះ។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានបញ្ជាក់ឲ្យដឹងបន្តទៀតថា វ៉ាក់សាំងដែលកម្ពុជាកំពុងប្រើប្រាស់សម្រាប់កុមារអាយុពី ១២ឆ្នាំទៅក្រោម ១៨ឆ្នាំនេះ ក៏ជាវ៉ាក់សាំងដែលអង្គការសុខភាពពិភពលោកទទួលស្គាល់នូវប្រសិទ្ធភាព និងគុណភាពរួចហើយ ដោយបានដាក់បញ្ចូលក្នុងបញ្ជីប្រើប្រាស់បន្ទាន់របស់អង្គការថែមទៀត។ ដូច្នេះសូម អំពាវនាវ ដល់ឪពុក ម្ដាយ គ្រប់រូបឈប់ភ័យព្រួយ និងបារម្ភពីសុត្ថិភាពរបស់កូនៗ ទៀតទៅក្រោយពីបានទទួលវ៉ាក់សាំងនិងសុខភាពល្អ ជាទូទៅកុមារមិនមានផលប៉ះពាល់ពីវ៉ាក់សាំង ស្រដៀងមនុស្សធំ ហើយនឹងបាត់ទៅវិញក្នុងរយៈពេល ២ ឬ ៣ថ្ងៃ។
ឯកឧត្តមអភិបាលខេត្ត បានបញ្ជាក់ឲ្យដឹងបន្តទៀតថា៖ កុមារជាទំពាំងស្នងរបស់ប្រទេសជាតិ រាល់វ៉ាក់សាំងដែលចាក់ជូនកុមារ គឺសុទ្ធតែជាផ្លូវត្រួសត្រាយជីវិតក្មេងៗអាចវិលត្រឡប់មករកភាពប្រក្រតីតាមបែបគន្លងថ្មី ជាពិសេសបញ្ឈប់ ការឆ្លងរាតត្បាតនៃជំងឺកូវីដ និងវីរុសបំប្លែងខ្លួនគ្រប់ប្រភេទ ដែលកំពុងរាតត្បាតក្នុងសហគមន៍កាន់តែច្រើនឡើងៗ ៕ អរគុណសន្តិភាព
