រថយន្តកុងតឺន័របង្កបុកម៉ូតូ រួចក្រឡាប់សង្កត់រថយន្តមួយគ្រឿងទៀត បង្កការភ្ញាក់ផ្អើលខ្លាំង នៅស្រុកព្រៃនប់

ខេត្តព្រះសីហនុ៖ មានករណីគ្រោះថ្នាក់ចរាចរណ៍តាមដងផ្លូវជាតិលេខ៤ វេលាម៉ោង១៧:៣៥នាទីល្ងាច ថ្ងៃទី១ ខែកញ្ញា ឆ្នាំ២០២១ ចន្លោះគីឡូម៉ែត្រលេខ១៨៥-១៨៦ ក្នុងភូមិត្រពាំងស្អុយ២ ឃុំអណ្តូងថ្ម ស្រុកព្រៃនប់ ខេត្តព្រះសីហនុ រវាងរថយន្តកុងតឺន័រមួយគ្រឿង ម៉ាកpeterliet ពណ៌ស ពាក់ស្លាកលេខ ភ្នំពេញ 3D-1286 អ្នកបើកបរក្រោយកើតហេតុគេចខ្លួនបាត់ ក្នុងទិសដៅខេត្តព្រះសីហនុ-រាជធានីភ្នំពេញ លុះមកដល់ចំណុចកើតហេតុខាងលើបានបុកនឹងម៉ូតូមួយគ្រឿង ម៉ាកZomer ពណ៌ក្រហមលាយខ្មៅ ពាក់ស្លាកលេខ ព្រះសីហនុ 1E-5824 អ្នកបើកបរ (មិនទាន់ស្គាល់អត្តសញ្ញាណ) ដែលមានទិសដៅស្របគ្នា បន្ទាប់មកបានរេចង្កូតទៅបុករថយន្តមួយគ្រឿងទៀតម៉ាក Nissan navira ពណ៌ស ពាក់ស្លាកលេខ ភ្នំពេញ 2AU-2961 អ្នកបើកបរឈ្មោះ សុង ពិសី ភេទប្រុស អាយុអាយុ៤៩ឆ្នាំ ទីលំនៅភូមិ១ សង្កាត់២ ក្រុងព្រះសីហនុ។

ហេតុការណ៍នេះមិនបណ្ដាលឲ្យមានមនុស្សរងគ្រោះថ្នាក់ទេ ក្នុងនោះក្រោយកើតហេតុសមត្ថកិច្ចបានចុះអន្តរាគមន៍ និងបន្តដោះស្រាយតាមនិតិវិធី៕