ក្រុមគ្រូពេទ្យស្ម័គ្រចិត្តសម្តេចតេជោចុះយកសំណាកអាជីវករផ្សារជម្ពូវ័នលេីកទី២ មនុស្សចំនួន៩៧នាក់ ជាលទ្ធផលអវិជ្ជមាន
ភ្នំពេញ៖ កាលថ្ងៃទី៦ ខែកញ្ញា ឆ្នាំ២០២១ ក្រុមគ្រូពេទ្យស្ម័គ្រចិត្តសម្តេចតេជោប្រឆាំងកូវីដ-១៩ បានចុះយកសំណាកជាលើកទី២ ដល់បងប្អូនអាជីវករលក់ដូរនៅផ្សារជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញជាលេីកទី២ មានមនុស្សចំនួន៩៧នាក់ ជាលទ្ធផលអវិជ្ជមាន។
អាជ្ញាធរបានឱ្យដឹងថា កាលពីថ្ងៃទី២៩ ខែសីហា ឆ្នាំ២០២១ ក្រុមគ្រូពេទ្យស្ម័គ្រចិត្តសម្តេចតេជោប្រឆាំងកូវីដ-១៩ បានចុះយកសំណាកបងប្អូនអាជីវករលក់ដូរនៅផ្សារជម្ពូវ័នមានមនុស្សចំនួន១១៤នាក់ជាលទ្ធផលរកឃេីញអ្នកវិជ្ជមានកូវីដ-១៩ម្នាក់ភេទស្រី ជាអ្នកលក់ពោត។ រហូតមកដល់ព្រឹកថ្ងៃទី៦ ខែកញ្ញាឆ្នាំ២០២១នេះទេីបក្រុមគ្រូពេទ្យចុះយកសំណាកជាលេីកទី២មានមនុស្សចំនួន៩៧នាក់ ជាលទ្ធផលអវិជ្ជមានទាំងអស់។
អង្គភាពអនុគណៈកម្មការស្រាវជ្រាវជំងឺកូវីដ-១៩ សូមអំពាវនាវដល់បងប្អូនប្រជាពលរដ្ឋនិងបុគ្គលិកទាំងអស់ដែលពាក់ព័ន្ធនិងទីតាំងខាងលើ សូមមេត្តាសហការទៅយកសំណាក និងដាក់ខ្លួនដាច់ដោយឡែកដើម្បីសុវត្ថិភាព និងសូមយកចិត្តទុកដាក់តាមដានសុខភាពរបស់ខ្លួនរយៈពេល ២១ថ្ងៃ៕
