កិច្ចប្រជុំបច្ចេកទេសលើកទី៦ បានបើកសម្រាប់ការអភិរក្សរមណីយដ្ឋានប្រាសាទព្រះវិហារ (ICC Preah Vihear)

នៅក្នុងកិច្ចប្រជុំនេះ មន្ត្រីជំនាញអាជ្ញាធរជាតិព្រះវិហារ បានធ្វើបទបង្ហាញស្ដីពីរបាយការណ៍វឌ្ឍនភាព នៃការវាយតម្លៃហានិភ័យ នៃប្រាសាទព្រះវិហារ, របាយការណ៍ស្ដីពីសកម្ម ភាពអភិវឌ្ឍន៍សហគមន៍ នៅតំបន់ប្រាសាទព្រះវិហារ, របាយការណ៍វឌ្ឍនភាពស្ដីពីការបង្កើតគេហទំព័រអាជ្ញាធរជាតិព្រះវិហារ, ការរៀបចំឯកសារ និងការស្នើសុំអភិរក្សប្រាសាទចំនួន៦ នៅក្នុងរមណីយដ្ឋានប្រាសាទកោះកេរ, របាយការណ៍ស្ដីពីការដួលរលំនៃជញ្ជាំងខាងជើងស្ពានហាលខាងកើតផ្លូវចូលប្រាសាទធំ, និងការស្នើសុំអន្តរាគមន៍បន្ទាន់ សំណើរៀបចំសៀគ្វីថ្មីពីប្រាសាទប្រាង្គទៅភូមិកោះកេរ និងផ្លូវតភ្ជាប់ពីផ្លូវធំទៅប្រាសាទគោកគ្រង និងស្លាកសញ្ញាទេសចរណ៍, របាយការណ៍វឌ្ឍនភាពស្ដីពីការកំណត់ព្រំនៅតំបន់បុរាណវិទ្យាប្រាសាទកោះកេរ និង លទ្ធផលនៃការសិក្សាលើការប្រើប្រាស់ដី, ការគ្រប់គ្រងសំណង់ និងប្រជាសាស្ត្រនៅតំបន់ប្រាសាទកោះកេរ, ជូនសហប្រធាន ICC Preah Vihear ។

កិច្ចប្រជុំរបស់គណៈកម្មាធិការអាយស៊ីស៊ី-ព្រះវិហារ ICC Preah Vihear មានការចូលរួមពី ឯកឧត្តម Hu Jian សហប្រធានចិន និង លោកជំទាវ Devyani Uttam Khobrangade សហប្រធាន ICC Preah Vihear និងមានការចូលរួមពីអ្នកជំនាញការជាតិ និងអន្តរជាតិដោយផ្ទាល់ចំនួន៣០នាក់ និងតាមរយៈ Video conference ចំនួន៤៧នាក់ ៕ អរគុណសន្តិភាព