ឯកឧត្តម ជុំ កុសល ៖ « សេរីភាព » មានអ្នកខ្លះនៅតែយល់ថា « សេរីភាព » គឺជាសិទ្ធិឬអំណាចឯករាជ្យផ្ទាល់ខ្លួន មិនពាក់ព័ន្ធ ដូច្នេះការធ្វើអ្វីៗគឺជាស្វ័យសម្រេច

ឯកឧត្តម ជុំ កុសល ៖ ពាក្យ« សេរីភាព »គឺ ៖ ភាពនៃសិទ្ធិឬអំណាចលើខ្លួន ។ ប៉ុន្តែសិទ្ធិឬអំណាចនេះត្រូវតែស្ថិតក្នុងរង្វង់ច្បាប់ ។ មានអ្នកខ្លះនៅតែយល់ថា សេរីភាព គឺជាសិទ្ធិឬអំណាចឯករាជ្យផ្ទាល់ខ្លួនមិនពាក់ព័ន្ធ ដូច្នេះការធ្វើអ្វីៗគឺជាស្វ័យសម្រេច ។ ការយល់បែបនេះហើយ ដែលជាហេតុនាំឲ្យ ការប្រព្រឹត្តខ្លះត្រូវបានចេញឆ្ងាយពីបន្ទាត់ច្បាប់ប្រែទៅជាអាណាធិបតេយ្យភាព ។ ប៉ុន្តែបើនិយាយតាមភាពជាក់ស្តែង អ្នកដែលរិះគន់ពីការរឹតត្បិតសេរីភាពនៅកម្ពុជាគឺអ្នកនោះឯងដែលជាអ្នកប្រើសេរីភាពខ្លួនចេញក្រៅរង្វង់ច្បាប់ដោយចេតនា ហើយចាំវាយបកចំពោះការអនុវត្តច្បាប់របស់រាជរដ្ឋាភិបាលវិញ ។ វាគឺជារឿងលើគោកពេក ហើយក៏មិនមែនជារឿងថ្មីដែរសម្រាប់អ្នកវាយតម្លៃកម្ពុជាទាំងនោះ ។ គ្មានអ្វីប្រែប្រួលទេ លំហសេរីភាពនៅកម្ពុជានៅតែមានវិសាលភាពទូលំទូលាយមិនថាសេរីភាពសារព័ត៌មានឬសេរីភាពផ្សេងៗទៀតឡើយ ។ ប៉ុន្តែរាល់សេរីភាពទាំងអស់គឺត្រូវស្ថិតនៅក្នុងរង្វង់ច្បាប់ជាកំហិត ។