គណៈកម្មាធិកាអនុសាខាកាកបាទក្រហមកម្ពុជាស្រុកសង្គមថ្មី និងអនុប្រធានអនុសាខាព្រមទាំងក្រុមការងារ បានធ្វើការផ្សព្វផ្សាយ និងចុះចែកម៉ាស់ និងខិតប័ណ្ណដល់សិស្សដែលចូលរៀន នៅសាលាអនុវិទ្យាល័យសង្គមថ្មី
ខេត្តព្រះវិហារ៖ នៅថ្ងៃទី១១ ខែតុលា ឆ្នាំ២០២១ លោក ប៉ែន ជឹង ប្រធានគណៈកម្មាធិកាអនុសាខាកាកបាទក្រហមកម្ពុជាស្រុកសង្គមថ្មី លោក ស្រី សោម សាវីន អនុប្រធានអនុសាខាព្រមទាំងក្រុមការងារ បានធ្វើការផ្សព្វផ្សាយ និងចុះចែកម៉ាស់ និងខិតប័ណ្ណដល់សិស្សដែលចូលរៀន នៅសាលាអនុវិទ្យាល័យសង្គមថ្មី ។
ក្រុមកាងារ ចែកជូនម៉ាស់ក្រណាត់ ចំនួន៥០០ ម៉ាស់និងម៉ាស់ពេទ្យ ចំនួន ១០ប្រអប់ ខិត្តប័ណ្ណចំនួន ៦០សន្លឹក ក្នុងឱកាសនេះលោកប្រធានគណៈកម្មាធិការអនុសាខាបានផ្តាំផ្ញើសូមឲ្យប្អូនៗ ក្មួយៗសិស្សានុ សិស្សត្រូវចូលរួមអនុវត្តឲ្យបានជាប់ជានិច្ចនូវវិធាន ការសុខាភិបាល និងអនុសាសន៍ដ៏ខ្ពងខ្ពស់របស់សម្តេចតេជោ ហ៊ុន សែន ៣កុំ និង៣ការពារ ដើម្បីចូលរួមទប់ស្កាត់ការរីករាលដាលជំងឺកូវីដ១៩ ពិសេសដើម្បី ឲ្យប្អូនៗ ក្មួយៗបានចូលសិក្សា និងបានប្រឡងនាពេលខាងមុខនេះ ៕ អរគុណនស្តិភាព
