សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានជួបពិភាក្សាជាមួយឯកឧត្តម DATO’ SERI HISHAMMUDDIN TUN HUSSEIN ទេសរដ្ឋមន្ត្រី រដ្ឋមន្ត្រីក្រសួងការពារជាតិម៉ាឡេស៊ី

ភ្នំពេញ៖ នៅរសៀលថ្ងៃទី១៣ ខែតុលា ឆ្នាំ២០២១ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានជួបពិភាក្សាជាមួយឯកឧត្តម DATO’ SERI HISHAMMUDDIN TUN HUSSEIN ទេសរដ្ឋមន្ត្រី រដ្ឋមន្ត្រីក្រសួងការពារជាតិម៉ាឡេស៊ី តាមរយៈប្រព័ន្ធវីដេអូ “Video Conference”​។

នៅក្នុងកិច្ចពិភាក្សានេះ សម្តេចពិជ័យសេនា ទៀ បាញ់ និងឯកឧត្តម Hussein បានធ្វើការវាយតម្លៃរួមគ្នាពីវិស័យសន្តិសុខការពារជាតិនាពេលបច្ចុប្បន្ន នៅមានបញ្ហាប្រឈមជាច្រើនទៀត និងបានចែករំលែកពីវឌ្ឍនភាពកិច្ចសហប្រតិបត្តិការយោធាទ្វេភាគី ស្ថានភាពជំងឺកូវីដ-១៩ នៅប្រទេសទាំងពីរកម្ពុជា-ម៉ាឡេស៊ី និងបានឯកភាពគ្នាលើកកម្ពស់កិច្ចសហប្រតិបត្តិការយោធា គាំទ្រគ្នាទៅវិញទៅមកក្នុងការឈានឆ្ពោះទៅ​រក​ការបើកសង្គម សេដ្ឋកិច្ចឡើងវិញ តាមគន្លងប្រក្រតីភាពថ្មី។