មន្ត្រី កបប ថា អ្នកលក់ដូរទំនិញខូចគុណភាព ហួសកាលបរិច្ឆេទ ទៅដល់ដៃអ្នកប្រេីប្រាសត្រូវខាតបង់ ហើយប្រឈមមុខនឹងច្បាប់ទៀត
ខេត្តបន្ទាយមានជ័យ៖ មន្ត្រីការពារអ្នកប្រើប្រាស កិច្ចការប្រកួតប្រជែងនិងបង្ក្រាការក្លែងបន្លំ(ក.ប.ប.ឬCCF) សាខាខេត្តបន្ទាយមានជ័យដឹកនាំដោយលោកសាន វិជ្ជាសារ៉ាវុធ ប្រធានសាខានិងមន្ត្រីជំនាញ លោក ដុំ វណ្ណឌី អនុប្រធានមន្ទូីរពាណិជ្ជកម្មខេត្តកាលពីថ្ងៃទី២១ខែតុលាឆ្នាំ២០២១ បានណែនាំ ហើយព្រមានថា អាជីវករលក់ដូរទាំងឡាយត្រូវតែប្រយ័ត្នខ្ពស់ចំពោះអាជីវកម្មរបស់ខ្លួន។
បើបងប្អូនទំនិញខូចគុណភាព និងហួសកាលបរិច្ឆេទ ឬទំនិញហាមឃាត់ ហហើយធ្លាក់ទៅដល់ដៃអ្នកប្រេីប្រាសមិនត្រឹមតែត្រូវខូចម៉ូយឬអតិថិជនហើយ ពួកគេបាត់បង់ជំនឿហើយលែងទិញដូរប៉ុណ្ណោះទេ។
ប៉ុន្តៃ បន្ថែមលើនោះត្រូវសមត្ថកិច្ចរឹបអូសយកទៅកម្ទេចចោល ផាកពិន័យអន្តរកាលនិងប្រឈមមុខនឹងផ្លូវច្បាប់ថែមទៀត។
មន្ត្រីជំនាញបានថ្លែងដូច្នោះ កាលពីថ្ងៃទី២១ ខែតុលា ឆ្នាំ២០២១ ខណ:មន្រ្តីសាខា ក.ប.ប.ខេត្តបន្ទាយមានជ័យ សហការជាមួយមន្រ្តីមន្ទីរពាណិជ្ជកម្មខេត្ត ចុះដកហូតផលិតផលខូចគុណភាព និងហួសកាលបរិច្ឆេទប្រេីប្រាស់ នៅតាមផ្ទះតៀមនៅភូមិយាងថ្មី ឃុំកូប សស្រុកអូរជ្រៅនិងនៅភូមិអូរជ្រៅសង្កាត់និមិត្តក្រុងប៉ោយប៉ែត ដែលនៅជាប់ ព្រំប្រទល់គ្នា ។
លោក សាន វិជ្ជាសារ៉ាវុធ បានអោយដឹងបន្តថា៖ជាលទ្ធផលមន្ត្រីជំនាញដកហូតបានផលិតផលខូចគុណភាព និងហួសកាលបរិច្ឆេទប្រេីប្រាស់មានដូចខាងក្រោម ៖
-ទឹកក្រូច Fanta ចំនួន ៥ដប ស្មើ ៦.២៥លីត្រ
-ប័រ Blue Band ចំនួន ១៦កំប៉ុង ស្មេី ២.៤គីឡូក្រាម
-ទឹកស៊ីអ៊ីវ ផ្កាឈូក ចំនួន ០៦ដប ស្មេី ៣លីត្រ
-ម្សៅស៊ុប Knore ចំនួន ១០៩កញ្ចប់ ស្មេី ០.៤៣៦គីឡូក្រាម
-ភេសជ្ជៈ Samurai ចំនួន ១ដប ស្មេី ០.៤៨លីត្រ
-ទឹកក្រូច Fanta ដបតូច ចំនួន ០១ ស្មើ ០.៣៥លីត្រ
-នំប័រ Jack Jill ចំនួន ៩៤កញ្ចប់ ស្មេី ១.៤៤៧គីឡូក្រាម ។
ឬសរុបចំនួន ១៤.៣៦៣គីឡូក្រាម ។
ក្នុងសកម្មភាពនេះដែរ មន្ត្រីំនាញក៏បានចុះពន្យល់ណែនាំដល់អាជីវករ ឱ្យមានការប្រុងប្រយ័ត្នខ្ពស់ក្នុងការលក់ទំនិញខូចគុណភាព និងហួសកាលបរិច្ឆេទ ទៅដល់ដៃអ្នកប្រេីប្រាស់ ជៀសវាជៀសវាងប្រឈមមុខនឹងច្បាប់ ៕
