ក្រសួងអភិវឌ្ឍន៍ជនបទ ឧបត្ថម្ភ សាប៊ូដុំ សាប៊ូកញ្ចប់ ស្បែកជើងកវែង ស្រោមដៃ សំឡីអនាម័យ របាំងមុខ អៀមប្លាស្ទិច ជូនដល់សាលាខេត្តសម្រាប់យកចែក នៅតាមមណ្ឌលព្យាបាល ក្នុងមណ្ឌលចត្តាឡីស័កក្នុងខេត្ត
ខេត្តបន្ទាយមានជ័យ៖ ខេត្តបន្ទាយមានជ័យ៖ព្រឹកថ្ងៃទី២៥ ខែតុលា ឆ្នាំ២០២១នេះ អង្គការ UNICEF តាមរយៈក្រសួងអភិវឌ្ឍន៍ជនបទ បានធ្វើការឧបត្ថម្ភក្នុងនោះមាន ៖ សាប៊ូម្សៅចំនួន ២,៦២៥កញ្ចប់ ស្បែកជើងកវែង ២០០គូរ ស្រោមដៃកៅស៊ូមានចំនួន ៣៧៥គូរ សាប៊ូដុំមានចំនួន ១២,៥០០ដុំ សំឡីអនាម័យស្ត្រីមានចំនួន ២៨,២០០សំឡី របាំងមុខមានចំនួន ៧០០របាំង អៀមប្លាស្ទិចចំនួន ត,៧៥០អៀម ជូនដល់រដ្ឋបាលសាលាខេត្តបន្ទាយមានជ័យ សម្រាប់យកទៅចែកជូន អ្នកកើតកូវីដ.១៩ នៅតាមមណ្ឌលព្យាបាល និងក្នុងមណ្ឌលចត្តាឡីស័ក ក្នុងខេត្តបន្ទាយមានជ័យ តាមរយៈលោក ជាយុទ្ធា រុណ ប្រធានមន្ទីរអភិវឌ្ឍន៍ខេត្តបន្ទាយមានជ័យ សំរាប់យកទៅប្រើប្រាស់នៅតាមមណ្ឌលព្យាបាល និងក្នុងមណ្ឌលចត្តាឡីស័ក ក្នុងខេត្តបន្ទាយមានជ័យ នៅក្នុងសាលាខេត្តបន្ទាយមានជ័យ។
ក្នុងនោះអង្គការ UNICEF បានធ្វើការ កោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់រដ្ឋបាលខេត្ត និងអាជ្ញាធរពាក់ព័ន្ធទាំងអស់ ដែលបានយកចិត្តទុកដាក់ និងមានការទទួលខុសត្រូវខ្ពស់ក្នុងការចូលរួមប្រយុទ្ធប្រឆាំងនឹងជំងឺកូវវីដ.១៩ ជាពិសេសគឺខេត្ត បានគ្រប់គ្រងអ្នកដែលមានការពាក់ព័ន្ធដោយផ្ទាល់ និងប្រយោល ក្នុងព្រឹត្តិការណ៍ សហគមន៍ ២០កុម្ភៈ និងបានបញ្ជូនឲ្យពួកគាត់មកធ្វើចត្តាឡីស័ក និងព្យាបាលបានយ៉ាងល្អប្រសើរផងដែរកន្លងមកនេះ។
ក្នុងនោះលោក ជាយុទ្ធា រុណ បានលើកទឹកចិត្តដល់អាជ្ញាធរខេត្ត និងមន្ត្រីសុខាភិបាល ត្រូវរួមសហការគ្នាឲ្យកាន់តែប្រសើរថែមទៀត ដើម្បីទប់ស្កាត់កុំឲ្យកើតមានការឆ្លងរីករាលដាលនៃជំងឺកូវីដ.១៩នេះ បន្តទៀត ដោយត្រូវបន្តផ្សព្វផ្សាយដល់ប្រជាពលរដ្ឋឲ្យយកចិត្តទុកដាក់ក្នុងការអនុវត្តតាមការណែនាំរបស់រាជរដ្ឋាភិបាល និងក្រសួងសុខាភិបាល ពិសេសត្រូវរួមគ្នាអនុវត្តបានខ្ជាប់ខ្ជួន តាមអនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺ “៣កុំ និង៣ការពារ។
ក្នុងនោះដែរលោកអ៊ុំរាត្រីបានបានថ្លែងអំណគុណដល់អង្គការ UNICEF សាប៊ូដុំ សាប៊ូកញ្ចប់ ស្បែកជើងកវែង ស្រោមដៃ សំឡីអនាម័យ របាំងមុខ អៀមប្លាស្ទិចតាមរយៈក្រសួងអភិវឌ្ឍន៍ជនបទដែលបាន ផ្តល់ឧបករណ៍នេះ សំរាប់ប្រើប្រាស់ដល់អ្នកកើតជម្ងឺកូវីដ.១៩ កំពុងសំរាកព្យាបាលនៅក្នុងមណ្ឌលខេត្តបន្ទាយមានជ័យទាំងអស់ មនុស្សធម៌ទាំងអស់នេះ លោកប្រើប្រាស់ឲ្យចំទិសដៅនៅតាមមណ្ឌលព្យាបាលអ្នកកើត ជម្ងឺកូវីដ.១៩ ក្នុងខេត្តបន្ទាយមានជ័យទាំងអស់ផងដែរ៕ អរគុណសន្តិភាព
