បច្ចេកទេសដាំសណ្តែកដី និងផលប្រយោជន៍សណ្តែកដីដែលសម្បូរទៅដោយជាតិប្រូតេអ៉ីន ខ្លាញ់ និងជាតិសរសៃ
ការរៀបចំដីដាំដុះ ៖
• ដីដែលអាចដាំដុះដំណាំសណ្តែកដីបាន គឺជាប្រភេទល្បាយខ្សាច់ ពោលគឺជា ដីមានសភាពធូរ
• ការរៀបចំដី គឺត្រូវភ្ជួរដីហាលអាចម៍ដីទុកចោលរយៈពេល១៥ថ្ងៃ។ ធ្វើបែបនេះដើម្បីកប់រុកជាតិផ្សេងៗឱ្យរលួយ ក្លាយជាជីជាតិ ពិសេសធ្វើឱ្យដីធូរល្អ និងងាយស្រួលឱ្យដំណាំចាក់ឫស ហើយមើមបានល្អ
• ភ្ជួរប្រែត្រឡប់ដីមួយសារទៀត
• យកដីដំបូកផេះដើមកន្ទ្រាងខែត្រមកកាត់ ចិញ្ច្រាំឱ្យខ្លីៗ
• បាចនៅលើដីដែលត្រូវដាំ
• រាស់បំបែកដីឱ្យរាបស្មើ ដើម្បីយកស្មៅចង្រៃចេញ ហើយងាយស្រួលក្នុងការដាំដុះ និងមិនឱ្យក្រិន។
២–រដូវកាល និងវិធីសាស្ត្រដាំដុះ
• សណ្តែកដីអាចដាំបានចាប់ពីខែចែត្រទៅ ពោលគឺមុនចូលឆ្នាំខ្មែរ និងមានរយៈពេលដាំប្រមាណ៤-៥ខែ។
• សណ្តែកដីជាប្រភេទរុក្ខជាតិដែលមិនត្រូវការដីមានជាតិសំណើមខ្លាំងពេកទេ ត្រឹមសើមល្មម និងស្ងួតល្មម ទើបអាចលូតលាស់បានល្អ
• គួររំលឹកផងដែរថា សណ្តែកដីអាចធន់ទ្រាំនឹង កម្តៅបានមិនលើសពី៣៨អង្សាសេឡើយ បើសីតុណ្ហភាព លើសពីនេះ វាមិនអាចផ្តល់ផលបានល្អឡើយ និងធ្វើឱ្យយើងបាត់បង់ទិន្នផល។
៣-ការជ្រើសរើសពូជ
• តាមបទពិសោធន៍របស់ប្រជាកសិករនៅក្នុងខេត្តកំពង់ស្ពឺ គឺមិនបានទៅទិញនៅលើទីផ្សារ ក្នុងស្រុកឬក្រៅស្រុកឡើយ ពួកគាត់និយមចែករំលែកពូជតៗគ្នា ក្រោយរដូវប្រមូលផល ពួកគាត់រក្សាទុកពូជ ដោយខ្លួនឯងវិញម្តង ដោយមិនចាំបាច់ទៅសុំចែកគេទៀតឡើយ គ្រប់គ្នាធ្វើរបៀបនេះដូចៗគ្នា។
• ទោះជាយ៉ាងពូជ ដែលគួរជ្រើសរើស គឺជ្រើសយកតែពូជណាដែលមានមើមថ្លោសល្អ
• ការជ្រើសពូជសម្រាប់ដាំដុះនៅរដូវកាលបន្ទាប់ ក្រោយរកបានពូជដែលល្អហើយ ត្រូវយកទៅហាលថ្ងៃ ឱ្យស្ងួតល្អ មុនយកទៅរក្សាទុក ចៀសវាងការបំផ្លាញដោយសត្វល្អិត ដូចជាក្មូតជាដើម។
៤–ការថែទាំ
• សណ្តែកដីហាក់មានភាពងាយស្រួលជាងដំណាំផ្សេងៗបន្តិច ព្រោះវាអាចរស់បានសឹងមិនចាំបាច់ស្រោចទឹក
• ក្នុង១អាទិត្យ ស្រោចទឹកតែ១-២ដងប៉ុណ្ណោះ
• គួរតែធ្វើស្មៅឱ្យបានទៀងទាត់ ព្រោះបើស្មៅដុះលឿនជាងសណ្តែកដី វានឹងបង្អាក់ដល់ការលូតលាស់ នៃដំណាំ។
៥–ការប្រមូលផល
• ក្រោយដាំរយៈពេលពី ២ ទៅ ២ខែ១៥ថ្ងៃ ឬអាចឈានដល់ពី ៣ ទៅ ៤ខែ អាចប្រមូលផលបាន
• ការប្រមូលផលអាស្រ័យលើពូជដែលដាំ ពូជស្រាលឆាប់បានប្រមូលផល ពូជធ្ងន់ មានរយៈពេលយូរបន្តិច តែអាចទទួលបានទិន្នផលច្រើនជាង និងមានមើមថ្លោសៗល្អជាង
• ដាំម្តងអាចប្រមូលផលបានតែ ១លើកតែប៉ុណ្ណោះ ដោយចាប់ផ្តើមពីខែចែត្រទៅ មានរយៈពេល៤-៥ខែ មុនរដូវភ្លៀវចូលមកដល់។ អត្ថបទ៖ អ៊ាង សុផល្លែត
ខណៈពេលដែលសណ្តែកដីអាចមានជាតិខ្លាញ់ច្រើនខ្លាញ់ភាគច្រើនដែលពួកគេមានត្រូវបានគេស្គាល់ថាវាជាខ្លាញ់ល្អ។
ប្រភេទខ្លាញ់ទាំងនេះពិតជាជួយបញ្ចុះកម្រិតកូឡេស្តេរ៉ុលក្នុងខ្លួនរបស់អ្នក។
ដោយសណ្ដែកដីគឺជាប្រភពដល្អនៃ ម៉ាញ៉េស្យូម ហ្វុដ វីតាមីនE ជាតិស្ពាន់ និង Arginine ។
ចំពោះការទទួលទានសណ្ដែកដី លោកអ្នកអាចទទួលបានអត្ថប្រយោជន៍សុខភាពយ៉ាងច្រើនពីការបរិភោគសណ្តែកដី។
សណ្តែកដីគឺជាប្រភពដ៏ល្អជាពិសេសនៃខ្លាញ់ដែលមានសុខភាពប្រូតេអ៉ីននិងជាតិសរសៃ វាក៏ផ្ទុកប៉ូតាស្យូមផូស្វ័រម៉ាញ៉េស្យូមនិងវីតាមីន B ផងដែរ ដោយសណ្តែកដីមានផូស្វ័រខ្ពស់ដែលអាចកំណត់ការស្រូបយកសារធាតុរ៉ែក្នុងខ្លួនរបស់អ្នកក្នុងរាងកាយដូចជាស័ង្កសីនិងដែកបានថែមទៀតផង ទោះបីជាមានកាឡូរីខ្ពស់ក៏ដោយសណ្តែកដីសម្បូរសារធាតុចិញ្ចឹមនិងមានកាបូនអ៉ីដ្រាតទាប។
ខណៈពេលដែលខ្លាញ់ភាគច្រើននៅក្នុងសណ្តែកដីមានសុខភាពល្អក៏ពិតមែន តែសណ្តែកដីក៏ផ្ទុកនូវជាតិខ្លាញ់ឆ្អែតផងដែរដែលអាចបណ្តាលឱ្យលោកអ្នកមានបញ្ហាបេះដូងនៅពេលទទួលទានលើសម៉ោង ៕ អរគុណសន្តិភាព
