មនុស្ស ២៦,៧៨៧នាក់ឆ្លងកូវីដ-១៩ និងអ្នកជំងឺ ៣៥០នាក់ស្លាប់ក្នុង១ថ្ងៃ ក្នុងសហរដ្ឋអាមេរិក
វ៉ាស៉ីនតោន៖ នៅក្នុងរយៈពេល ២៤ម៉ោងកន្លងទៅនេះ មនុស្សសរុប ២៦,៧៨៧នាក់ទៀត បានឆ្លងជំងឺ COVID-19 ខណៈអ្នកជំងឺ ៣៥០នាក់ បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។ នេះបើតាមការដកស្រង់ទិន្នន័យ ចេញពីគេហទំព័រ Worldometers នាព្រឹកថ្ងៃអាទិត្យ ទី៣១ ខែតុលា ឆ្នាំ២០២១។
ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៤៦,៧៩៩,៩៧០ករណី ក្នុងនោះមានអ្នកស្លាប់សរុបចំនួន ៧៦៦,១១៧នាក់ និងជាសះស្បើយឡើងសរុប ៣៦.៦៩លាននាក់។ សម្រាប់ចំនួនប្រជាជនសរុប ដែលកំពុងរស់នៅលើទឹកដីសហរដ្ឋអាមេរិកគឺជាង ៣៣២លាននាក់។
គួរបញ្ជាក់ថា គិតត្រឹមថ្ងៃទី២៩ ខែតុលា ឆ្នាំ២០២១ សហរដ្ឋអាមេរិកបានចាក់វ៉ាក់សាំងបង្ការជំងឺ COVID-19 សរុបចំនួនជាង ៤១៨លានដូស ក្នុងនោះប្រជាជន ២២១.៣៤លាននាក់ (៦៧.២% នៃចំនួនប្រជាជនសរុប) បានទទួលការចាក់យ៉ាងហោចណាស់ ១ដូស និង ១៩១.២៤លាននាក់ (៥៨% នៃចំនួនប្រជាជនសរុប) បានទទួលការចាក់គ្រប់ដូស៕ by FN