ក្រុមហ៊ុនឯកជនមួយ ប្រគល់ម៉ាស៊ីន ថ្នាំសម្លាប់មេរោគ និងម៉ាស៊ីនបន្សុតខ្យល់សម្លាប់មេរោគ ជាច្រើនគ្រឿងនិងជាច្រើនដប ជូនរដ្ឋបាលរាជធានីដើម្បីទប់ស្កាត់មេរោគកូវីដ-១៩
ភ្នំពេញ៖ ម៉ាស៊ីនសម្រាប់រោគ ថ្នាំសម្លាប់មេរោគម៉ាស៊ីនបន្សុតខ្យល់សម្លាប់មេរោគ ជាច្រើនគ្រឿងនិងជាច្រើនដប ត្រូវបានក្រុមហ៊ុន ដាប់ប៊ែលយូខេអិល អេកូអីស ឥណ្ឌូឆាយណា ឯ.ក ប្រគល់ជូនរដ្ឋបាលរាជធានីភ្នំពេញ ដើម្បីចាត់វិធានការទប់ស្កាត់ការរីករាលដាល នៃមេរោគកូវីដ-១៩ (Covid-19)ខណៈដែលជម្ងឺនេះមិនទាន់សាប សាបរលាបចេញពីរាជធានីភ្នំពេញនូវឡើយ។
ពិធីប្រគល់និងទទួលអំណោយខាងលើនេះបាន ធ្វើឡើងនាល្ងាចថ្ងៃទី២៣ ខែវិច្ឆិកា ឆ្នាំ២០២១ ក្រោមវត្តមានលោក នួន ផារ័ត្ន អភិបាលរងរាជធានីភ្នំពេញ តំណាងឯកត្តម ឃួង ស្រេង អភិបាលរាជធានីភ្នំពេញ និងលោក លីម តារា នាយកក្រុមហ៊ុន និងលោក Shaun Walts ប្រធានប្រតិបត្តិការក្រុមហ៊ុន ដាប់ប៊ែលយូខេអិល អេកូអីស ឥណ្ឌូឆាយណា ឯ.ក នៅសាលារាជធានីភ្នំពេញ។
លោក នួន ផារ័ត្ន ក្នុងឱកាសនោះបានមានប្រសាសន៍លើកឡើងថា ៖ ក្នុងនាមក្រុមប្រឹក្សារាជធានី គណៈអភិបាលរាជធានី មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋទាំងអស់ នៅភ្នំពេញ សូមថ្លែងអំណរគុណយ៉ាងជ្រាលជ្រៅចំពោះ លោកនាយក និងលោក ប្រធានប្រតិបត្តិ ដែលបានឧបត្ថម្ភ៖ – ម៉ាស៊ីនសម្រាប់រោគ (e-COND life Air-Sanitizer)ចំនួន ៥គ្រឿង ចំនូន ៤ដប ។
– ថ្នាំសម្លាប់មេរោគ(INC++29 disinfectant formulated liquid)ចំនួន ៤ដប – ម៉ាស៊ីនបន្សុតខ្យល់សម្លាប់មេរោគQcov(air sanitizing humidifier) ចំនួន៤គ្រឿង – ថ្នាំសម្លាប់មេរោគ(INC16K disinfectant solutions)ចំនួន ៤ដប ជូនរដ្ឋបាលរាជធានីភ្នំពេញ ដើម្បីចាត់វិធានការទប់ស្កាត់ការរីករាលដាល នៃមេរោគកូវីដ-១៩ (Covid-19) ។
លោក នួន ផារ័ត្ន បន្តថា ៖ តាមរយៈកាយវិការដ៏ល្អប្រពៃ ប្រកបដោយមនុស្សធម៌ និងគុណធម៌ខាងលើនេះ ពិតជាបានរួមចំណែកយ៉ាងសំខាន់ជាមួយរដ្ឋបាលរាជធានីភ្នំពេញ និងរាជរដ្ឋាភិបាល ស្របតាមការអំពាវនាវរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ក្នុងការចាត់វិធានការទប់ស្កាត់ការរីករាលដាល នមេរោគកូវីដ ១៩ (Covid-19) នៅរាជធានីភ្នំពេញ ក៏ដូចជានៅទូទាំងព្រះរាជាណាចក្រកម្ពុជា បានទាន់ពេលវេលា ។
ទឹកចិត្តសប្បុរសធម៌ដ៏ថ្លៃថ្លាមួយនេះ ស្ដែងឱ្យឃើញអំពីការគិតគូរ និងក្ដីអាណិតស្រលាញ់ចំពោះជនរួមជាតិ ដោយឈរលើបុព្វហេតុជាតិ សាមគ្គីជាធ្លុងមួយ ក្នុងស្មារតីជួយគ្នា នៅក្នុងកាលៈទេសៈដែលប្រទេសជាតិបាន និងកំពុងជួបប្រទះនឹងគ្រោះភ័យ នៃការរាតត្បាត់ពីមេរោគកូវីដ-១៩ (Covid-i9)។ សមានចិត្តដ៏ប្រពៃនេះ នឹងត្រូវបានចងចាំ ទុកដោយរាជរដ្ឋាភិបាល រដ្ឋបាលរាជធានីភ្នំពេញ និងប្រជាជនកម្ពុជាទាំងអស់៕ អរគុណសន្តិភាព